Juan 12:34

Ang Biblia 2011

Ug ang panon sa katawhan mitubag kaniya, “Nakadungog kami gikan sa Balaod nga ang Cristo magpabilin hangtod sa kahangtoran. Busa unsaon man nimo sa pag-ingon nga kinahanglang iisa ang Anak sa Tawo? Kinsa man kining Anak sa Tawo?”

Cross References

2 Samuel 7:13

Magtukod siya ug usa ka balay alang sa akong ngalan, ug lig-onon nako ang trono sa iyang gingharian hangtod sa kahangtoran.

Salmo 110:4

Ang Ginoo nanumpa ug dili mousab sa iyang hunahuna, “Ikaw mao ang pari hangtod sa kahangtoran subay sa laray ni Melkisedek.”

Salmo 72:7

Sa iyang mga adlaw molambo unta ang mga matarong, ug ang pakigdait modagaya, hangtod nga ang bulan mahanaw na!

Isaias 53:8

Pinaagi sa pagdaogdaog ug sa paghukom siya gikuha; ug sa iyang kaliwatan, kinsa ang nag-isip nga siya gipahimulag gikan sa yuta sa mga buhi, gihampak tungod sa kalapasan sa akong katawhan?

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Miqueas 4:7

ug ang bakol himoon nako nga salin; ug kadtong gihinginlan, usa ka gamhanang nasod; ug ang Ginoo maghari kanila didto sa Bukid sa Zion gikan niining panahona hangtod sa kahangtoran.

Mateo 16:13

Sa pag-abot ni Jesus sa kayutaan sa Cesarea Filipo, gipangutana niya ang iyang mga tinun-an nga nag-ingon, “Sumala sa sulti sa mga tawo, kinsa man ang Anak sa Tawo?”

Mateo 21:10

Ug sa pagsulod na niya sa Jerusalem, naukay ang tibuok siyudad nga nag-ingon, “Kinsa ba kini siya?”

Mateo 8:20

Ug si Jesus miingon kaniya, “Ang mga milo adunay kalubloban ug ang mga langgam sa kalangitan adunay kabatogan apan ang Anak sa Tawo walay dapit nga kapahulayan sa iyang ulo.”

Juan 10:34

Mitubag si Jesus kanila, “Dili ba nasulat man kini sa inyong Balaod, ‘Ako nag-ingon, Mga dios kamo’?

Juan 12:32

Ug ako, sa maisa na gikan sa yuta, magkabig sa tanang tawo ngari kanako.”

Juan 15:25

Kini aron matuman ang pulong nga nasulat sa ilang balaod, ‘Nagdumot sila kanako sa walay hinungdan.’

Juan 8:28

Busa si Jesus miingon, “Sa diha nga maisa na ninyo ang Anak sa Tawo, inyong mahibaloan nga ako mao siya ug nga wala akoy gibuhat sa kaugalingon nakong pagbuot, apan unsay gitudlo kanako sa amahan, nagsulti ako niini.

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Roma 5:18

Busa ingon nga ang sala sa usa ka tawo misangpot sa pagkahinukman sa tanang mga tawo, mao usab ang matarong nga buhat sa usa ka tawo misangpot sa paghimong matarong sa kinabuhi alang sa tanan.

Mga Hebreo 7:24

apan siya naghupot sa iyang pagkapari sa dayon, kay siya molungtad man hangtod sa kahangtoran.