Juan 12:31

Ang Biblia 2011

Karon mao na ang paghukom niining kalibotana, karon palagpoton na ang pangulo niining kalibotana.

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Isaias 49:24

Kuhaon ba ang tukbonon gikan sa gamhanan, o kadtong mga gibihag sa bangis luwason?

Mateo 12:28

Apan kon pinaagi sa Espiritu sa Dios ako nagpagula sa mga demonyo, ang gingharian sa Dios miabot na diha kaninyo.

Juan 14:30

Dili na ako magdaghan pa ug sulti kaninyo, kay moabot na ang pangulo niining kalibotana. Wala siyay gahom ibabaw kanako;

Juan 3:19

Ug ang hukom mao kini, nga ang kahayag mianhi sa kalibotan apan ang kangitngit maoy gihigugma sa mga tawo labaw kay sa kahayag kay daotan man ang ilang mga binuhatan.

Juan 9:39

Unya si Jesus miingon, “Ako mianhi niining kalibotana aron sa paghukom, aron kadtong mga dili makakita, makakita na ug kadtong mga makakita mangabuta.”

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

1 Mga Taga-Corinto 1:20

Hain na man ang maalamon? Hain na man ang eskriba? Hain na man ang tiglantugi niining panahona? Wala ba himoang binuang sa Dios ang kaalam sa kalibotan?

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Mga Taga-Efeso 6:12

Kay ang atong pagpakig-away dili man sa unod ug dugo, kondili batok sa mga nagmando, batok sa mga kagamhanan, batok sa mga makagagahom sa kalibotan nga gingitngitan, batok sa mga daotan nga espirituhanong panon diha sa mga langitnong dapit.

Mga Taga-Colosas 2:15

Ang mga pamunoan ug kagamhanan iyang gitangtangan sa mga hinagiban ug iyang gipasundayag sila sa kadaghanan, diha sa iyang pagdaog batok kanila pinaagi sa krus.

Mga Hebreo 2:14

Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.

1 Juan 4:4

Mga anak, kamo iya sa Dios, ug sila inyo nang gibuntog, kay siya nga anaa kaninyo labaw pa kay kaniya nga ania sa kalibotan.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.