Juan 12:29

Ang Biblia 2011

Ang mga tawo nga nag-alirong nakadungog sa tingog ug sila miingon nga kadto dalugdog. Ang uban nag-ingon, “Dihay anghel nga misulti kaniya.”

Cross References

Job 40:9

Aduna ka bay bukton sama sa Dios, ug makapadalugdog ba ikaw ug tingog sama kaniya?

Exodo 19:16

Sa pagkabuntag sa ikatulong adlaw, may mga dalugdog ug mga kilat ug baga nga panganod didto sa ibabaw sa bukid ug hilabihan ka kusog nga tingog sa trumpeta, nga tungod niana ang tanang katawhan didto sa kampo nangurog.

Exodo 20:18

Unya sa namatikdan sa mga tawo ang mga dalugdog ug mga kilat ug ang tingog sa trumpeta ug nakita ang bukid nga nag-aso, ang mga tawo nangahadlok ug nangurog ug nagtindog sa layo.

Ezequiel 10:5

Ug ang kanaas sa mga pako sa mga kerubin nadungog bisan pa sa gawas nga hawanan, sama sa tingog sa Dios nga Labing Gamhanan sa diha nga siya mosulti.

Mga Buhat 9:7

Ang mga tawo nga nagpanaw uban ni Saulo mihunong nga wala makatingog kay sila nakadungog sa tingog apan walay tawo nga nakita.

Gipadayag 11:19

Unya nabukas ang Templo sa Dios didto sa langit, ug sulod sa iyang Templo nakita ang sudlanan sa iyang kasabotan ug dihay pagpangilat, kusog nga mga kagahob, mga dalugdog, linog, ug kusog nga pag-ulan ug yelo.

Gipadayag 14:2

Ug nadungog nako ang usa ka tingog gikan sa langit sama sa dahunog sa daghang mga tubig ug sama sa dahunog sa kusog nga dalugdog. Ang tingog nga akong nadungog sama sa tingog sa mga tig-alpa nga nagtugtog sa ilang mga alpa.

Gipadayag 6:1

Ug akong nakita sa diha nga ang Nating Karnero mibukas sa usa sa pito ka silyo, ug nadungog nako ang usa sa upat ka buhing binuhat nga nag-ingon sa tingog nga daw dalugdog, “Duol ngari!”

Gipadayag 8:5

Unya gikuha sa anghel ang sudlanag insenso ug gipuno niya ug kalayo gikan sa halaran, ug kini iyang gilabay ngadto sa kalibotan, ug dihay pagdalugdog, mga kusog nga dahunog, mga pagpangilat ug linog.