Juan 12:28

Ang Biblia 2011

Amahan, pasidunggi ang imong ngalan.” Unya miabot gikan sa langit ang usa ka tingog nga nag-ingon, “Gipasidunggan na nako kini ug pasidunggan kini nako pag-usab.”

Cross References

Mateo 11:25

Ug sa maong panahon si Jesus miingon, “Nagpasalamat ako kanimo, Amahan, Ginoo sa langit ug sa yuta, nga kining mga butanga gililong nimo sa mga maalamon ug sa mga hait ug salabotan ug gipadayag hinuon nimo ngadto sa mga kabataan.

Mateo 11:26

Oo, Amahan, kay kini mao man ang imong gikahimut-an.

Mateo 17:5

Samtang nagsulti pa siya, dihay usa ka silaw nga panganod nga mitabon kanila ug gikan sa panganod dihay usa ka tingog nga nag-ingon, “Mao kini ang akong Anak nga pinalangga, diha kaniya nalipay ako, pamati kaniya.”

Mateo 26:42

Ug sa ikaduhang higayon milakaw siya ug nag-ampo nga nag-ingon, “Amahan ko, kon dili man mahimo nga mosaylo kini gawas kon akong imnon, matuman ang imong kabubut-on.”

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Marcos 1:11

Ug gikan sa langit nadungog ang usa ka tingog, “Ikaw ang akong Anak nga pinalangga, kanimo nalipay ako.”

Marcos 14:36

Ug siya miingon, “Abba, Amahan, ang tanang mga butang mahimo nimo, kuhaa kanako kining kupa; hinuon dili sumala sa akong pagbuot, kondili sa imo.”

Marcos 9:7

Unya dihay usa ka panganod nga milandong kanila, ug dihay tingog gikan sa panganod, “Mao kini ang akong Anak nga pinalangga, pamati kamo kaniya.”

Lucas 3:22

ug diha kaniya mikunsad ang Espiritu Santo sa lawasnon nga panagway sama sa salampati ug may tingog nga miabot gikan sa langit, “Ikaw ang akong pinalanggang Anak, kanimo nalipay ako.”

Lucas 9:35

Ug usa ka tingog gikan sa panganod miingon, “Kini mao ang akong Anak, ang akong Pinili, pamati kamo kaniya!”

Juan 11:4

Apan sa pagkadungog niini ni Jesus, siya miingon, “Kining sakita dili ikamatay, kondili alang kini sa himaya sa Dios, aron ang Anak sa Dios himayaon pinaagi niini.”

Juan 18:11

Ug si Jesus miingon kang Pedro, “Iuli sa sakoban kanang imong espada. Dili ba diay nako imnon ang kupa nga gihatag kanako sa Amahan?”

Juan 9:3

Si Jesus mitubag, “Dili kay nakasala siya, o ang iyang mga ginikanan, kondili aron nga ang mga buhat sa Dios ikapadayag diha kaniya.

Mga Taga-Efeso 2:7

aron nga sa mga katuigan nga umaabot ang Dios makapadayag sa dili masukod nga kadato sa iyang grasya agig kaluoy nganhi kanato diha kang Cristo Jesus.

Mga Taga-Efeso 3:10

aron nga pinaagi sa iglesia, ang nagkalainlaing kaalam sa Dios ikapahibalo karon ngadto sa mga nagmando ug mga kagamhanan diha sa mga langitnong dapit.

Mga Taga-Efeso 3:21

kaniya maanaa ang himaya diha sa iglesia ug diha kang Cristo Jesus ngadto sa tanang mga kaliwatan hangtod sa kahangtoran. Amen.

2 Pedro 1:17

Kay sa iyang pagkadawat sa pasidungog ug himaya gikan sa Dios nga Amahan, sa dihang gihatod kaniya sa Halangdong Himaya ang tingog nga nag-ingon, “Kini mao ang akong pinalanggang Anak, nga kaniya may kalipay ako.”