Juan 12:25

Ang Biblia 2011

Ang nagmahal sa iyang kinabuhi mawad-an hinuon niini, apan ang nasilag sa iyang kinabuhi niining kalibotana magpatunhay niini alang sa kinabuhing dayon,

Cross References

Ecclesiastes 2:17

Busa gidumtan nako ang kinabuhi, kay unsay nahimo ilalom sa adlaw, bug-at alang kanako; kay ang tanan kawang lamang ug usa lamang ka paggukod sa hangin.

Mateo 10:39

Ang mangita sa iyang kinabuhi mawad-an niini, apan ang mawad-an sa iyang kinabuhi tungod kanako, makakaplag hinuon niini.

Mateo 16:25

Kay si bisan kinsa nga buot moluwas sa iyang kinabuhi, mawad-an hinuon niini ug bisan kinsa nga mawad-an sa iyang kinabuhi tungod kanako, makakaplag niini.

Mateo 19:29

Ug ang tanan nga nagbiya sa mga balay o mga igsoong lalaki o mga igsoong babaye o amahan o inahan o mga anak o kayutaan tungod sa akong ngalan, makadawat ug usa ka gatos ka pilo, ug makapanunod sa kinabuhing dayon.

Marcos 8:35

Kay si bisan kinsa nga buot magluwas sa iyang kinabuhi, mawagtangan hinuon niini apan si bisan kinsa nga mawad-an sa iyang kinabuhi tungod kanako ug tungod sa Maayong Balita, magluwas niini.

Lucas 14:26

“Kon adunay tawo nga moari kanako ug dili siya magdumot sa iyang kaugalingong amahan ug inahan ug asawa ug mga anak ug mga igsoong lalaki ug mga igsoong babaye, oo, ug bisan sa iyang kaugalingong kinabuhi, dili siya mahimong akong tinun-an.

Lucas 17:33

Si bisan kinsa nga nagtinguha sa pagluwas sa iyang kinabuhi, mawad-an hinuon siya niini, apan si bisan kinsa nga mawad-an sa iyang kinabuhi, magpatunhay hinuon niini.

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”

Mga Hebreo 11:35

Ang kababayen-an midawat sa ilang mga nangamatay pinaagi sa pagbanhaw. Ang uban gisakit, nagsalikway sa kagawasan, aron sila mangabanhaw ngadto sa labaw pa ka maayong kinabuhi.

Gipadayag 12:11

Ug sila nagmadaogon batok kaniya pinaagi sa dugo sa Nating Karnero ug sa pulong sa ilang pagpamatuod, tungod kay wala man sila mahigugma sa ilang mga kinabuhi bisan ngadto sa kamatayon.