Juan 12:15

Ang Biblia 2011

“Ayaw kahadlok, babaye nga anak sa Zion; tan-awa, mianhi ang imong hari, nga nagkabayo sa nati sa asno!”

Cross References

2 Samuel 15:1

Human niini, si Absalom nag-andam ug usa ka karwahi ug mga kabayo ug 50 ka tawo nga modagan una kaniya.

2 Samuel 16:2

Ug ang hari miingon kang Ziba, “Nganong nagdala man ikaw niini?” Ug si Ziba miingon, “Ang mga asno alang sa panimalay sa hari aron sakyan, ug ang pan ug ang bunga sa ting-init pagkaon sa mga batan-ong lalaki, ug ang bino imnonon alang sa mga gikapuyan didto sa kamingawan.”

1 Mga Hari 1:33

Ug ang hari miingon kanila, “Dad-a uban kaninyo ang mga sulugoon sa inyong agalon, ug pakabay-a si Solomon nga akong anak sa akong kaugalingong mula ug dad-a siya ngadto sa ubos sa Gihon.

Isaias 41:14

Ayaw kahadlok, ikaw ulod nga Jacob, kamong mga tawo sa Israel! Ako motabang kanimo, miingon ang Ginoo; ang imong Manunubos mao ang Balaan sa Israel.

Isaias 62:11

Tan-awa, ang Ginoo nagmantala ngadto sa kinatumyan sa yuta: Ingna ninyo ang anak nga babaye sa Zion, “Tan-awa ang imong kaluwasan miabot na; tan-awa, ang iyang ganti anaa na kaniya, ug ang balos kaniya anaa sa iyang atubangan.”

Miqueas 4:8

Ug ikaw, O tore sa panon, ang bungtod sa anak nga babaye sa Zion, kanimo moabot kini, ang kanhing gingharian mahibalik gayod, ang gingharian sa anak nga babaye sa Jerusalem.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 21:5

“Suginli ninyo ang babayeng anak sa Zion, tan-awa, ang imong hari moanha kanimo, malumo ug nagkabayo sa asno, ug sa iyang nati, ang laki nga anak sa asno.”

Juan 12:14

Ug si Jesus nakakaplag ug usa ka nating asno ug siya mikabayo niini, sumala sa nasulat,

Deuteronomio 17:16

Mao lamang nga kinahanglang dili siya magpadaghan ug mga kabayo alang sa iyang kaugalingon o pabalikon niya ang katawhan ngadto sa Ehipto aron sa pagpadaghan ug mga kabayo kay ang Ginoo nag-ingon kaninyo, ‘Ayaw na gayod kamo pagbalik nianang dalana.’

Mga Maghuhukom 12:14

Ug siya adunay 40 ka anak nga lalaki ug 30 ka apo nga lalaki nga nangabayo sa 70 ka asno, ug siya nahimong maghuhukom sa Israel sulod sa walo ka tuig.

Mga Maghuhukom 5:10

“Isugilon kini, kamo nga nagkabayo sa puti nga mga asno, kamo nga naglingkod sa mga mahalon nga alpombra, ug kamo nga naglakaw sa dalan.