Juan 12:13

Ang Biblia 2011

Busa nanguha sila ug mga palwa sa palmera ug nangadto sila aron sa pagsugat kaniya ug naninggit, “Hosanna! Dalaygon ang mianhi sa ngalan sa Ginoo, ang Hari sa Israel!”

Cross References

Isaias 44:6

Mao kini ang giingon sa Ginoo, ang Hari sa Israel, ug ang iyang Manunubos, ang Ginoo sa mga panon; “Ako mao ang sinugdan, ug ako mao ang kataposan, ug gawas kanako wala nay Dios.

Oseas 3:5

Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.

Levitico 23:40

Sa unang adlaw magkuha kamo ug mga pungpong sa mga bunga sa kahoy nga anindot, mga sanga sa mga palmera, ug mga sanga sa mga kakahoyan nga dahonon, ug mga tangbo sa sapa, ug magkalipay kamo sa atubangan sa Ginoo nga inyong Dios sulod sa pito ka adlaw.

Sofonias 3:15

Gikuha sa Ginoo ang mga hukom batok kanimo, iyang giabog ang imong mga kaaway. Ang Hari sa Israel, ang Ginoo, anaa sa imong taliwala; dili na ikaw angay nga mahadlok sa daotan.

Mateo 23:39

Kay sultihan ko kamo nga dili na kamo makakita kanako pag-usab, hangtod nga moingon kamo, ‘Dalaygon ang mianhi sa ngalan sa Ginoo.’ ”

Mateo 27:42

“Giluwas niya ang uban apan dili siya makaluwas sa iyang kaugalingon. Siya ang Hari sa Israel, pakanaoga siya karon gikan sa krus ug unya motuo kita kaniya.

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Juan 12:14

Ug si Jesus nakakaplag ug usa ka nating asno ug siya mikabayo niini, sumala sa nasulat,

Juan 12:15

“Ayaw kahadlok, babaye nga anak sa Zion; tan-awa, mianhi ang imong hari, nga nagkabayo sa nati sa asno!”

Juan 19:15

Apan sila naninggit nga nag-ingon, “Ipalayo siya, ipalayo siya, ilansang siya sa krus!” Si Pilato miingon kanila, “Ilansang ba diay nako sa krus ang inyong Hari?” Ang mga pangulong pari mitubag, “Wala kami hari gawas kang Cesar.”

Gipadayag 15:3

Ug sila nag-awit sa awit ni Moises nga sulugoon sa Dios ug sa awit sa Nating Karnero, nga nag-ingon, “Dako ug kahibulongan ang imong mga buhat, O Ginoong Dios nga Makagagahom sa Tanan! Matarong ug matuod ang imong mga pamaagi, O Hari sa kanasoran!

Gipadayag 19:16

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.

Gipadayag 7:9

Human niini akong nakita ang usa ka dakong panon sa katawhan nga walay bisan kinsa nga makaihap, gikan sa tanang kanasoran, gikan sa tanang kabanayan ug katawhan ug pinulongan, nagtindog sa atubangan sa trono ug sa atubangan sa Nating Karnero, nagsul-ob ug puti nga bisti nga tag-as ug nagkupot ug mga palwa sa palmera,