Juan 12:1

Ang Biblia 2011

Unom ka adlaw sa wala pa ang Kasaulogan sa Pagsaylo, si Jesus miabot sa Betania, diin didto si Lazaro, ang gibanhaw ni Jesus gikan sa mga patay.

Cross References

Mateo 21:17

Ug gibiyaan niya sila ug migula siya sa siyudad paingon sa Betania ug nagpabilin siya didto.

Marcos 11:11

Unya miabot siya sa Jerusalem ug misulod sa Templo, ug sa nalibot na niya pagtan-aw ang tanang mga butang didto ug kay hapon na man, migula siya paingon sa Betania kauban sa napulo ug duha.

Lucas 24:50

Unya iyang gidala sila ngadto sa gawas hangtod sa Betania, ug binayaw ang iyang mga kamot, iyang gipanalanginan sila.

Lucas 7:37

Ug dihay usa ka babaye sa lungsod, usa ka makasasala, nga sa iyang pagkahibalo nga si Jesus nagtambong sa kan-anan didto sa balay sa Pariseo, siya nagdala ug pahumot nga sinulod sa usa ka tibod nga alabastro.

Juan 11:1

Ug dihay masakiton nga usa ka tawo, si Lazaro nga taga-Betania, sa balangay ni Maria ug sa iyang igsoon nga si Marta.

Juan 11:43

Ug sa nakasulti na siya niini, siya misinggit sa kusog nga tingog nga nag-ingon, “Lazaro, gula ngari!”

Juan 11:44

Ug ang namatay migula, ang iyang mga kamot ug mga tiil binugkosan ug mga bendahi ug ang iyang nawong naputos ug panapton. Si Jesus miingon kanila, “Badbari ninyo siya ug palakta siya.”

Juan 11:55

Unya nagsingabot na ang Kasaulogan sa Pagsaylo nga iya sa mga Judio, ug sa wala pa kini, daghan ang nanungas gikan sa kalungsoran ngadto sa Jerusalem aron sa pagpaputli sa ilang kaugalingon.

Juan 12:12

Sa pagkasunod nga adlaw, ang dakong panon sa katawhan nga nangabot alang sa kasaulogan nakadungog nga si Jesus moabot sa Jerusalem.

Juan 12:20

Unya dihay pipila ka Grego sa mga nanungas aron sa pagsimba didto sa kasaulogan.

Juan 12:9

Sa pagkasayod sa dakong panon sa mga Judio nga didto si Jesus, sila nangadto dili lamang tungod kaniya kondili aron usab sa pagtan-aw kang Lazaro, nga iyang gibanhaw gikan sa mga patay.