Juan 11:9

Ang Biblia 2011

Si Jesus mitubag, “Dili ba aduna may napulo ug duha ka takna sa usa ka adlaw? Si bisan kinsa nga maglakaw panahon sa adlaw, dili mapandol kay siya nagtan-aw man sa kahayag niining kalibotana.

Cross References

Mga Panultihon 3:23

Unya maglakaw ikaw sa imong dalan nga may kasigurohan ug ang imong tiil dili mapandol.

Jeremias 31:9

Manganhi sila uban ang paghilak, ug uban ang mga pagpangamuyo tultolan ko sila, palakton nako sila subay sa kasapaan sa tubig, sa tul-id nga dalan nga dili sila mapandol; kay ako usa ka amahan ngadto kang Israel, ug si Efraim mao ang akong kamagulangan.

Juan 11:10

Apan si bisan kinsa nga maglakaw panahon sa gabii mapandol kay ang kahayag wala man diha kaniya.”

Juan 12:35

Si Jesus miingon kanila, “Ang kahayag anaa pa uban kaninyo sa mubo nga panahon. Panglakaw kamo samtang anaa pa kaninyo ang kahayag, kay tingali unya ug maapsan kamo sa kangitngit. Siya nga maglakaw sa kangitngit dili mahibalo kon asa siya padulong.

Juan 9:4

Samtang adlawan pa kinahanglang magbuhat kita sa mga buluhaton niya nga nagpadala kanako. Moabot ang kagabhion ug wala nay tawo nga makahimo sa pagbuhat.

1 Juan 2:10

Siya nga nahigugma sa iyang igsoon nagpabilin diha sa kahayag, ug diha kaniya walay bisan unsa nga kapandolan.