Juan 11:55

Ang Biblia 2011

Unya nagsingabot na ang Kasaulogan sa Pagsaylo nga iya sa mga Judio, ug sa wala pa kini, daghan ang nanungas gikan sa kalungsoran ngadto sa Jerusalem aron sa pagpaputli sa ilang kaugalingon.

Cross References

Genesis 35:2

Busa si Jacob miingon sa iyang panimalay ug sa tanan nga uban kaniya, “Isalikway ninyo ang laing mga dios nga anaa kaninyo, ug panghinlo kamo sa inyong kaugalingon ug pag-ilis kamo sa inyong mga bisti.

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Salmo 26:6

Ako manghunaw sa akong mga kamot sa pagkawalay sala, ug molibot sa imong halaran, O Ginoo,

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Numeros 9:10

“Sultihi ang katawhan sa Israel: Kon si bisan kinsa kaninyo o sa inyong mga kaliwatan nga nahugaw tungod sa paghikap sa lawas sa usa ka minatay, o anaa sa pagpanaw sa layo, siya magsaulog gihapon sa Pagsaylo alang sa Ginoo.

Numeros 9:6

Apan dihay ubang mga tawo nga nahugaw tungod sa paghikap sa lawas sa usa ka minatay ug wala sila makahimo sa pagsaulog sa Pagsaylo niadtong adlawa. Busa miadto sila ni Moises ug ni Aaron niadtong adlawa.

Mateo 26:1

Sa dihang nahuman na si Jesus sa pagsulti niining mga pulonga, siya miingon sa iyang mga tinun-an,

Mateo 26:2

“Kamo nahibalo nga human sa duha ka adlaw mao na ang Kasaulogan sa Pagsaylo ug ang Anak sa Tawo itugyan na aron ilansang sa krus.”

Marcos 14:1

Duha na lang ka adlaw sa dili pa ang Kasaulogan sa Pagsaylo ug ang Kasaulogan sa Pan nga Walay Patubo. Ug ang mga pangulong pari ug ang mga eskriba naglaraw kon unsaon nila sa pagdakop kang Jesus pinaagi sa lingla ug sa pagpatay kaniya,

Lucas 22:1

Niadtong higayona nagkaduol na ang Kasaulogan sa Pan nga Walay Patubo, nga ginganlan ug Kasaulogan sa Pagsaylo.

Juan 12:1

Unom ka adlaw sa wala pa ang Kasaulogan sa Pagsaylo, si Jesus miabot sa Betania, diin didto si Lazaro, ang gibanhaw ni Jesus gikan sa mga patay.

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.

Juan 2:13

Nagkaduol na ang Kasaulogan sa Pagsaylo sa mga Judio busa si Jesus mitungas sa Jerusalem.

Juan 2:6

Niadtong panahona didtoy gibutang nga unom ka tadyaw nga bato, sumala sa pagpanghinlo sa mga Judio. Ang matag usa niini kasudlan ug 20 o 30 ka galon.

Juan 5:1

Human niini dihay usa ka kasaulogan sa mga Judio ug si Jesus mitungas ngadto sa Jerusalem.

Juan 6:4

Niadtong tungora nagsingabot ang pagsaulog sa Pagsaylo, ang kasaulogan sa mga Judio.

Mga Buhat 21:24

Dad-a kining mga tawhana ug uban kanila tumana ang buluhaton sa pagpaputli sa kaugalingon, ug bayri ang ilang mga gasto aron kiskisan nila ang ilang mga ulo. Sa ingon niini ang tanan mahibalo nga dili diay tinuod ang gisugilon kanila mahitungod kanimo nga ikaw gayod nagkinabuhi nga matinumanon sa balaod.

Mga Buhat 21:26

Busa gidala ni Pablo ang mga tawo ug sa pagkasunod adlaw gituman niya uban kanila ang buluhaton sa pagpaputli sa kaugalingon, ug misulod siya sa Templo aron sa pagpahibalo kon kanus-a matapos ang panahon sa ilang pagpaputli ug niana ihatag ang halad alang sa matag usa kanila.

Mga Buhat 24:18

Samtang nagbuhat ako niini, ila akong nakita nga naputli na sulod sa templo, walay mga tawo o kasamok. Apan dihay mga Judio nga gikan sa Asia—

1 Mga Taga-Corinto 11:28

Apan ipasusi sa matag usa ang iyang kaugalingon ug unya pakan-a siya sa pan ug paimna siya sa kupa.

Santiago 4:8

Paduol kamo sa Dios ug siya mopaduol kaninyo. Mga makasasala, hugasi ang inyong mga kamot, ug putlia ang inyong mga kasingkasing, kamong mga maduhaduhaon!

1 Samuel 16:5

Ug siya miingon, “Malinawon, ako mianhi aron sa paghalad alang sa Ginoo; pagbalaan kamo sa inyong kaugalingon, ug uban kanako sa paghalad.” Ug iyang gibalaan si Jesse ug ang iyang mga anak nga lalaki ug mitawag kanila ngadto sa paghalad.