Juan 11:52

Ang Biblia 2011

ug dili alang sa nasod lamang, kondili sa pagtigom usab aron magkahiusa ang nagkatibulaag nga mga anak sa Dios.

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Salmo 22:15

ang akong kusog nauga sama sa buak nga kulon, ug ang akong dila mitapot sa akong mga apapangig; gidala nimo ako ngadto sa abog sa kamatayon.

Salmo 22:27

Ang tanang mga kinatumyan sa yuta mahinumdom ug modangop ngadto sa Ginoo; ug ang tanang mga kabanayan sa mga kanasoran magsimba sa atubangan niya.

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Isaias 49:18

Iyahat ang imong mga mata sa palibot ug tan-awa, kini silang tanan magtigom, manganha kanimo. Ingon nga ako buhi, nag-ingon ang Ginoo, ikaw magbutang kanila ingon nga usa ka dayandayan, ug magbakos kanila sama sa usa ka pangasaw-onon.

Isaias 49:6

siya miingon, “Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob, ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”

Isaias 55:5

Tan-awa, ikaw magtawag ug mga nasod nga wala nimo mailhi, ug ang mga nasod nga wala makaila kanimo modagan nganha kanimo, tungod sa Ginoo nga imong Dios, ug tungod sa Balaan sa Israel, kay siya naghimaya kanimo.

Isaias 56:8

Mao kini ang giingon sa Ginoong Dios, nga maoy nagtigom sa mga sinalikway sa Israel, Magtigom pa ako ug lain ngadto kaniya, gawas niadtong iyang tinigom.”

Isaias 60:4

Ilingi ang imong mga mata sa palibot, ug tan-aw; silang tanan nagtigom, sila nanganha kanimo; ang imong mga anak nga lalaki manganha kanimo gikan sa layo, ug ang imong mga anak nga babaye dad-on nga sinapwang sa mga bukton.

Ezequiel 34:12

Ingon sa usa ka tigbantay nga magsusi sa iyang panon sa diha nga ang uban sa iyang mga karnero nagkatibulaag ngadto sa layo, ako usab mangita sa akong mga karnero ug luwason nako sila gikan sa tanang mga dapit diin sila nagkatibulaag sa adlaw nga dag-omon ug ngiob kaayo.

Oseas 1:10

Bisan pa niana ang gidaghanon sa katawhan sa Israel mahisama sa balas sa dagat, nga dili matakos o maihap, ug sa dapit diin kini gisulti kanila, “Kamo dili akong katawhan,” kini isulti kanila “Mga anak sa buhi nga Dios.”

Lucas 15:8

“O kinsa bang bayhana nga may napulo ka buok salaping plata, kon mawad-an siya ug usa ka buok niini, dili magdagkot ug suga ug dili manilhig sa balay, ug mangita pag-ayo niini hangtod nga iya kining makit-an?

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Juan 1:12

Apan ngadto sa tanang midawat kaniya, sa mga mituo sa iyang ngalan, naghatag siya kanila ug katungod sa pagkahimong mga anak sa Dios,

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Juan 10:16

Ug ako adunay ubang mga karnero nga dili sakop niining maong panon. Kinahanglang dad-on usab nako sila, ug sila mamati sa akong tingog. Busa usa na lamang ka panon ug usa ka magbalantay.

Juan 12:32

Ug ako, sa maisa na gikan sa yuta, magkabig sa tanang tawo ngari kanako.”

Mga Buhat 18:10

kay ako nag-uban kanimo ug walay manghilabot kanimo aron sa pagdaot kanimo, kay daghan ako ug mga tawo niining siyudara.”

Roma 3:29

O ang Dios, Dios ba lamang sa mga Judio? Dili ba Dios man usab siya sa mga Gentil? Oo, sa mga Gentil usab,

Roma 4:17

sumala sa nasulat, “Gihimo ko ikaw nga amahan sa daghang mga nasod,”—sa atubangan sa Dios nga gituohan ni Abraham, ang Dios nga naghatag ug kinabuhi sa mga patay ug nagpatungha sa mga butang nga kaniadto wala pa.

Mga Taga-Efeso 1:5

siya nagbuot nang daan nga kita mahimo niyang mga anak pinaagi kang Jesu-Cristo, sumala sa tuyo sa iyang kabubut-on,

Mga Taga-Efeso 3:11

Kini sumala sa walay kataposang tuyo nga iyang gituman diha kang Cristo Jesus nga atong Ginoo,

Santiago 1:1

Si Santiago, ulipon sa Dios ug sa Ginoong Jesu-Cristo; Alang sa napulo ug duha ka banay nga nagkatibulaag: Kumosta.

1 Pedro 1:1

Si Pedro, apostol ni Jesu-Cristo, Alang sa mga dumuduong tungod sa pagkatibulaag nga anaa diha sa Ponto, sa Galacia, sa Capadocia, sa Asia ug sa Bitinia,

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.

1 Juan 3:1

Tan-awa ninyo unsang gugmaha ang gihatag kanato sa Amahan nga kita tawgon nga mga anak sa Dios, ug kita mao. Ang hinungdan ngano nga ang kalibotan wala makaila kanato mao nga kini wala makaila kaniya.

1 Juan 3:10

Maila kon kinsa ang mga anak sa Dios ug kinsa ang mga anak sa yawa pinaagi niini: si bisan kinsa nga wala magbuhat ug matarong ug wala mahigugma sa iyang igsoon, dili iya sa Dios.

1 Juan 3:2

Mga hinigugma, kita karon mga anak sa Dios, kon maunsa unya kita, kini wala pa ipadayag, apan kita nasayod nga sa dihang ipadayag na siya, kita mahisama kaniya kay makita man unya nato siya sa iyang pagkamao.

Gipadayag 5:9

Ug nag-awit sila sa usa ka bag-ong awit nga nag-ingon, “Takos ikaw sa pagkuha sa basahong linukot ug sa pagbukas sa mga silyo niini, kay ikaw mao man ang gipatay ug pinaagi sa imong dugo gilukat nimo ang mga tawo alang sa Dios, gikan sa tanang kabanayan ug pinulongan ug katawhan ug kanasoran,