Juan 11:39

Ang Biblia 2011

Si Jesus miingon kanila, “Kuhaa ninyo ang bato.” Si Marta, ang igsoon sa namatay, miingon kaniya, “Ginoo, baho na siya karon kay upat na man ka adlaw sukad sa iyang pagkamatay.”

Cross References

Genesis 23:4

“Langyaw ako ug dumuduong sa taliwala ninyo. Hatagi ako ninyo ug luna nga kalubngan nako sa akong minatay nga layo sa akong panan-aw.”

Genesis 3:19

Pinaagi sa singot sa imong nawong makakaon ikaw sa pan hangtod nga mobalik ikaw sa yuta tungod kay ikaw gikuha gikan niini; ikaw abog ug sa abog ikaw mobalik.”

Salmo 49:14

Sama sa mga karnero sila gitagana alang sa Sheol; ang Kamatayon mao ang ilang magbalantay; sila manganaog lahos ngadto sa ilang lubnganan, ug ang ilang katahom madugta; ang Sheol mao ang ilang puluy-anan.

Salmo 49:7

Walay makalukat sa iyang kaugalingon o makahatag ngadto sa Dios sa bili sa iyang kinabuhi,

Salmo 49:9

nga siya mabuhi hangtod sa kahangtoran, ug dili gayod makakita sa Gahong.

Marcos 16:3

Ug sila miingon sa usa ug usa, “Kinsa may atong paligiron sa bato gikan sa ganghaan sa lubnganan?”

Juan 11:17

Unya sa pag-abot ni Jesus, iyang nasuta nga si Lazaro upat na ka adlaw didto sa lubnganan.

Mga Buhat 13:36

Kay si David, human siya makaalagad sa katuyoan sa Dios diha sa iyang kaugalingong kaliwatan, namatay ug gilubong uban sa iyang mga katigulangan ug nakasinati ug pagkadunot.

Mga Buhat 2:27

Kay dili man nimo pasagdan ang akong kalag nga mahiadto sa Hades, ug dili man nimo itugot nga ang imong Balaan makakita sa pagkadunot.

2 Mga Taga-Corinto 2:16

ngadto sa usa ang kahumot gikan sa kamatayon ngadto sa kamatayon, ug ngadto sa usa ang kahumot gikan sa kinabuhi ngadto sa kinabuhi. Kinsa man ang takos niining mga butanga?

Mga Taga-Filipos 3:21

Siya mao ang mag-usab sa atong kabos nga lawas aron kini mahisama sa iyang mahimayaong lawas, pinaagi sa gahom nga nakahimo kaniyang takos bisan sa pagpailalom sa tanang butang sa iyang kaugalingon.