Juan 11:38

Ang Biblia 2011

Unya si Jesus, nga natandog pag-usab, miduol sa lubong. Kini usa ka langob nga gialihan ug usa ka bato.

Cross References

Genesis 23:19

Human niini, gilubong ni Abraham si Sarah nga iyang asawa didto sa langob sa patag sa Macpela nga silangan sa Mamre nga mao usab ang Hebron sa yuta sa Canaan.

Isaias 22:16

Unsay gibuhat nimo dinhi ug kinsay ania dinhi kanimo, nga ikaw naghikay man dinhi ug usa ka lubnganan, naghikay ug usa ka lubnganan sa ibabaw, ug nagkalot ug usa ka puluy-anan alang sa imong kaugalingon diha sa bato?

Ezequiel 21:6

Busa panghupaw, anak sa tawo, panghupaw uban sa kasingkasing nga anaa sa kasakit ug pait nga kasubo atubangan sa ilang mga mata.

Ezequiel 9:4

Ug ang Ginoo miingon kaniya, “Lakaw, latas sa siyudad, latas sa Jerusalem, ug ibutang ang usa ka timaan diha sa mga agtang sa mga tawo nga nagpanghupaw ug nag-agulo tungod sa tanang mga dulumtanan nga gibuhat diha niini.”

Mateo 27:60

ug gipahimutang niya kini sa bag-o nga lubnganan nga iyang kaugalingon nga gipalungag niya diha sa pangpang. Ug iyang giligid ang usa ka dakong bato ug gitabon kini sa pultahan sa lubnganan ug unya milakaw siya.

Mateo 27:66

Ug nanglakaw sila aron lig-onon ang lubnganan pinaagi sa pagsilyo ug pagpabantay niini.

Marcos 15:46

Unya si Jose mipalit ug panapton nga lino, ug sa napakanaog na niya ang lawas ni Jesus, giputos niya kini ug panapton nga lino ug gipahimutang sa usa ka binangag nga lubnganan diha sa pangpang, ug iyang giligid ang usa ka bato aron itabon sa ganghaan sa lubnganan.

Marcos 8:12

Ug diha sa iyang espiritu nanghupaw siya ug lawom ug miingon, “Nganong nangita man ug ilhanan kining kaliwatana? Sa pagkatinuod, sultihan ko kamo, walay ilhanan nga ipakita ngadto niining kaliwatana.”

Lucas 24:2

Ug ilang nakita ang bato nga gipaligid na gikan sa lubnganan,

Juan 11:33

Sa pagkakita ni Jesus kaniya nga naghilak ug sa mga Judio nga nangabot uban kaniya nga naghilak usab, natandog siya diha sa iyang espiritu ug naguol.

Juan 20:1

Unya sa unang adlaw sa semana, si Maria Magdalena miadto sa lubnganan sayo sa kaadlawon samtang ngitngit pa, ug iyang nakita nga ang bato nakuha na gikan sa lubnganan.