Juan 11:33

Ang Biblia 2011

Sa pagkakita ni Jesus kaniya nga naghilak ug sa mga Judio nga nangabot uban kaniya nga naghilak usab, natandog siya diha sa iyang espiritu ug naguol.

Cross References

Marcos 3:5

Sa gilibot niya ug sud-ong sila uban ang kasuko, nasubo tungod sa kagahi nila ug kasingkasing, miingon siya sa tawo, “Ituy-od ang imong kamot.” Gituy-od niya kini ug ang iyang kamot naulian.

Marcos 9:19

Si Jesus mitubag kanila, “O kaliwatan nga walay pagtuo! Hangtod kanus-a ba nga ako makig-uban kaninyo? Hangtod kanus-a ba nga ako mag-antos kaninyo? Dad-a siya dinhi kanako.”

Juan 11:19

busa daghan sa mga Judio ang nangadto kang Marta ug Maria aron sa paghupay kanila tungod sa ilang igsoon.

Juan 11:31

Unya ang mga Judio nga didto sa balay uban kang Maria aron sa paghupay kaniya, sa ilang pagkakita kaniya nga midali pagtindog ug migula, misunod kaniya. Naghunahuna sila nga moadto siya sa lubong aron sa paghilak didto.

Juan 11:34

Ug siya miingon, “Hain ba ninyo siya gibutang?” Sila miingon kaniya, “Ginoo, aria ug tan-awa.”

Juan 11:35

Si Jesus mihilak.

Juan 11:38

Unya si Jesus, nga natandog pag-usab, miduol sa lubong. Kini usa ka langob nga gialihan ug usa ka bato.

Juan 12:27

“Karon naguol ang akong kalag. Ug unsa may akong isulti? Moingon ba ako, ‘Amahan, luwasa ako gikan niining taknaa’? Dili, kay alang niining maong tuyo miabot ako niining taknaa.

Juan 13:21

Unya sa nakasulti na si Jesus niini, nasubo siya diha sa espiritu ug nagpamatuod siya nga nag-ingon, “Sa pagkatinuod gayod, sultihan ko kamo nga usa kaninyo magbudhi kanako.”

Roma 12:15

Paglipay kamo duyog sa mga nalipay, hilak duyog sa mga nanghilak.

Mga Hebreo 4:15

Kay ang atong labawng pangulong pari dili usa ka pari nga dili mobati ug kaluoy kanato sa atong mga kaluyahon, hinuon sa tanang paagi siya gitintal sama kanato, apan wala gayod makasala.