Juan 11:20

Ang Biblia 2011

Sa pagkadungog ni Marta nga si Jesus nagsingabot na, siya miadto ug misugat kaniya, samtang si Maria nagpabilin nga naglingkod sulod sa balay.

Cross References

Mateo 25:1

“Ang gingharian sa langit ikatandi sa napulo ka dalaga nga nagdala sa ilang mga lampara ug miadto aron sa pagsugat sa pamanhonon.

Mateo 25:6

Apan sa pagkatungang gabii dihay singgit, ‘Tan-awa, ang pamanhonon! Panggula kamo ug sugata ninyo siya!’

Juan 11:30

Niadtong tungora, si Jesus wala pa moabot sa balangay, kondili didto pa siya sa dapit diin gikasugat niya si Marta.

Mga Buhat 10:25

Sa pagsulod ni Pedro, si Cornelio misugat kaniya ug mihapa sa iyang tiilan ug misimba kaniya.

Mga Buhat 28:15

Ug ang mga kaigsoonan didto, sa ilang pagkadungog mahitungod kanamo, miadto hangtod sa Taboan ni Apio ug sa Tulo ka Abotanan aron sa pagsugat kanamo. Ug sa iyang pagkakita kanila, si Pablo nagpasalamat sa Dios ug nadasig.

1 Mga Taga-Tesalonica 4:17

Ug kita nga mga buhi pa nga nahibilin, sakgawon unya ngadto sa mga panganod uban kanila sa pagsugat sa Ginoo diha sa kahanginan. Ug sa ingon niini kita makig-uban na kanunay sa Ginoo.