Juan 11:19

Ang Biblia 2011

busa daghan sa mga Judio ang nangadto kang Marta ug Maria aron sa paghupay kanila tungod sa ilang igsoon.

Cross References

Genesis 37:35

Ug miadto ang tanan niyang mga anak nga lalaki ug babaye aron sa paghupay kaniya apan dili siya buot nga hupayon, ug siya miingon, “Ayaw, mokanaog ako ngadto sa Sheol nga magbangutan tungod sa akong anak.” Ug mihilak ang iyang amahan tungod kaniya.

2 Samuel 10:2

Ug si David miingon, “Ako magpakita ug kaayo kang Hanun nga anak ni Nahas, ingon nga ang iyang amahan nagpakita ug kaayo kanako.” Busa gipaadto ni David ang iyang mga sulugoon aron sa paglipay kaniya mahitungod sa iyang amahan. Ug ang mga sulugoon ni David miabot sa yuta sa mga Amonihanon.

1 Cronicas 10:12

ang tanang mga isog nga tawo miadto ug gikuha ang lawas ni Saul ug ang mga lawas sa iyang mga anak nga lalaki ug gidala kini ngadto sa Jabes. Gilubong nila ang ilang mga bukog sa ilalom sa dakong kahoy didto sa Jabes ug nagpuasa sila sulod sa pito ka adlaw.

Job 2:11

Sa pagkadungog sa tulo ka higala ni Job niining tanang kadaotan nga midangat kaniya, miadto ang matag usa kanila gikan sa iyang kaugalingong dapit: si Elipas nga Temanhanon, si Bildad nga Suhihanon, ug si Zofar nga Naamatihanon. Sila nagsabot nga moduaw aron sa pagduyog sa iyang kasakit ug paghupay kaniya.

Job 42:11

Unya miduol kaniya ang tanang mga igsoon nga lalaki, ug ang tanan niyang mga igsoon nga babaye, ug ang tanan nga kaniadto iyang kaila, ug sa iyang balay nangaon sila uban kaniya. Ug sila nagpakita kaniya ug kaluoy ug naghupay kaniya, tungod sa tanang kadaot nga gipadangat kaniya sa Ginoo. Ug ang matag usa kanila naghatag kaniya ug usa ka buok salapi, ug usa ka singsing nga bulawan.

Ecclesiastes 7:2

Labawng maayo ang pag-adto sa balay sa kasub-anan, kay sa pag-adto sa balay sa nagkombira; kay kini mao ang kataposan sa tanang mga tawo ug ang buhi magtipig niini sa iyang kasingkasing.

Isaias 51:19

Kining duha ka butang nahitabo kanimo, kinsa bay maglipay kanimo?— pagkaguba, kalaglagan, gutom ug espada; kinsay maghupay kanimo?

Mga Pagbangotan 1:16

“Tungod niining mga butanga ako naghilak; ang akong mga mata nagpaagas sa mga luha; kay ang tighupay layo kanako, siya nga magpahiuli sa akong kadasig; ang akong mga anak nangahimong biniyaan, tungod kay ang kaaway midaog man.”

Mga Pagbangotan 1:2

Maghilak siya sa hilabihan sa kagabhion, mga luha anaa sa iyang mga aping; sa tanan niyang mga hinigugma walay usa nga mohupay kaniya; ang tanan niyang mga higala nagluib kaniya, sila nangahimong mga kaaway niya.

Mga Pagbangotan 1:21

“Sila nakadungog sa akong pag-agulo; walay usa nga mohupay kanako. Ang tanan nakong mga kaaway nakadungog sa akong kaguol; nalipay sila nga ikaw naghimo niini. Ipadala ang adlaw nga imong gipahibalo ug himoa sila nga sama kanako.

Mga Pagbangotan 1:9

Ang iyang kahugaw anaa sa iyang mga bisti, siya wala maghunahuna sa iyang kaalaotan; busa ang iyang pagkahulog makalilisang, siya walay maglilipay. “O Ginoo, sud-onga ang akong kagul-anan, kay ang kaaway nagmadaogon!”

Mga Pagbangotan 2:13

Unsay akong ikasulti kanimo, unsay ikatandi kanimo, O anak nga babaye sa Jerusalem? Unsa ba ang akong ikatandi kanimo aron ako makahupay kanimo, O anak nga ulay sa Zion? Kay dako sama sa dagat ang imong pagkalaglag; kinsay makaayo kanimo?

Lucas 10:39

Ug siya may igsoong babaye nga ginganlan ug Maria nga milingkod usab sa tiilan sa Ginoo ug namati sa iyang gitudlo.

Lucas 10:42

Apan usa lamang ka butang ang gikinahanglan. Nakapili si Maria sa maayong bahin nga dili na makuha gikan kaniya.”

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 11:1

Ug dihay masakiton nga usa ka tawo, si Lazaro nga taga-Betania, sa balangay ni Maria ug sa iyang igsoon nga si Marta.

Juan 11:31

Unya ang mga Judio nga didto sa balay uban kang Maria aron sa paghupay kaniya, sa ilang pagkakita kaniya nga midali pagtindog ug migula, misunod kaniya. Naghunahuna sila nga moadto siya sa lubong aron sa paghilak didto.

Juan 11:33

Sa pagkakita ni Jesus kaniya nga naghilak ug sa mga Judio nga nangabot uban kaniya nga naghilak usab, natandog siya diha sa iyang espiritu ug naguol.

Juan 11:36

Busa ang mga Judio nag-ingon, “Tan-awa, pagkadako gayod sa iyang paghigugma kaniya!”

Juan 11:45

Tungod niini daghan sa mga Judio nga miduaw kang Maria ug nakakita sa gibuhat ni Jesus, mituo kaniya.

Juan 11:8

Ug ang mga tinun-an miingon kaniya, “Rabi, ang mga Judio bag-o pa lang naninguha sa pagbato kanimo ug karon moadto na usab ikaw didto?”

Roma 12:15

Paglipay kamo duyog sa mga nalipay, hilak duyog sa mga nanghilak.

2 Mga Taga-Corinto 1:4

Siya naglipay kanamo sa tanan namong kasakit aron kami makahimo sa paglipay kanila nga anaa sa bisan unsang kasakit, pinaagi sa paglipay nga niini kami gilipay sa Dios.

1 Mga Taga-Tesalonica 4:18

Busa lipaya ninyo ang usa ug usa pinaagi niining mga pulonga.

1 Mga Taga-Tesalonica 5:11

Busa pagdinasigay kamo ug lig-ona ninyo ang usa ug usa, sama sa inyong gibuhat karon.

1 Samuel 31:13

Ug gikuha nila ang ilang mga bukog ug gilubong sa ilalom sa kahoy nga tamarisko sa Jabes ug nagpuasa sulod sa pito ka adlaw.