Juan 11:15

Ang Biblia 2011

Ug tungod kaninyo ako nalipay nga wala ako didto aron motuo kamo. Apan mangadto kita kaniya.”

Cross References

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 39:5

Ug sukad sa pagkahimo niya nga tinugyanan sa iyang balay ug sa tanan niyang katigayonan, gipanalanginan sa Ginoo ang balay sa Ehiptohanon tungod kang Jose. Ug ang panalangin sa Ginoo diha sa tanan niyang katigayonan, sa balay ug sa uma.

Salmo 105:14

wala siya motugot nga may bisan kinsa nga modaogdaog kanila; gibadlong niya ang mga hari tungod kanila,

Isaias 54:15

Kon adunay manghagit ug pakig-away, kini dili gikan kanako; bisan kinsa nga mohagit kanimo sa pagpakig-away mapukan tungod kanimo.

Isaias 65:8

Mao kini ang giingon sa Ginoo: “Ingon nga ang bag-ong bino makaplagan diha sa pungpong, ug sila miingon, ‘Ayaw kini laglaga, kay adunay panalangin diha niini,’ ako usab magbuhat niini tungod ug alang sa akong mga sulugoon, ug dili nako laglagon silang tanan.

Juan 11:14

Busa si Jesus misulti kanila sa walay lipodlipod, “Si Lazaro namatay.

Juan 11:16

Unya si Tomas nga ginganlan ug Kaluha, miingon sa iyang mga kauban nga tinun-an, “Mangadto usab kita aron mamatay kita uban kaniya.”

Juan 11:4

Apan sa pagkadungog niini ni Jesus, siya miingon, “Kining sakita dili ikamatay, kondili alang kini sa himaya sa Dios, aron ang Anak sa Dios himayaon pinaagi niini.”

Juan 12:30

Ug si Jesus mitubag, “Kining tingoga miabot tungod kaninyo, dili tungod kanako.

Juan 17:19

Ug tungod kanila ako nagbalaan sa akong kaugalingon aron sila usab mahimong balaan diha sa kamatuoran.

Juan 2:11

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

2 Mga Taga-Corinto 4:15

Kay kining tanan tungod ug alang kaninyo aron nga samtang ang grasya modagaya ngadto sa daghan pang mga tawo, kini makapadagaya unta sa mga pasalamat ngadto sa himaya sa Dios.

2 Timoteo 2:10

Busa akong giantos ang tanang butang tungod ug alang sa mga pinili, aron sila usab makabaton sa kaluwasan diha kang Cristo Jesus uban sa himayang dayon.

1 Juan 5:13

Kining mga butanga gisulat nako kaninyo nga nagtuo sa ngalan sa Anak sa Dios, aron kamo masayod nga kamo nakabaton na sa kinabuhing dayon.