Juan 10:8

Ang Biblia 2011

Ang tanan nga mianhi una kanako, mga kawatan ug mga tulisan apan ang mga karnero wala mamati kanila.

Cross References

Jeremias 23:1

“Alaot ang mga tigbantay sa karnero nga naglaglag ug nagpatibulaag sa mga karnero sa akong sibsibanan!” nag-ingon ang Ginoo.

Ezequiel 34:2

“Anak sa tawo, pagpropesiya batok sa mga tigbantay sa mga karnero sa Israel, pagpropesiya ug sulti kanila, ngadto sa mga tigbantay sa mga karnero, Mao kini ang giingon sa Ginoong Dios: Alaot kamong mga tigbantay sa mga karnero nga nagpakaon hinuon sa inyong kaugalingon! Dili ba nga ang mga tigbantay sa mga karnero magpasibsib man sa mga karnero?

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Zacarias 11:16

Kay tan-awa, pabarogon nako ang usa ka tigbantay sa karnero diha sa yuta, nga dili magtagad sa mga nagkalaglag o mangita sa mga nangawala o mag-ayo sa nangapiang o magpakaon sa mga maayo ug panglawas, hinuon maglamoy sa unod sa mga tambok nga karnero, maglaksi sa ilang mga kuko.

Juan 10:1

“Sa pagkatinuod gayod, sultihan ko kamo nga ang tawo nga mosulod sa toril nga dili moagi sa pultahan apan mokatkat hinuon ug laing kaagian, kana siya kawatan ug tulisan.

Juan 10:27

Ang akong mga karnero mamati sa akong tingog ug ako nakaila kanila ug sila nagsunod kanako.

Juan 10:5

Apan sa lain sila dili mosunod, hinuon mobiya sila gikan kaniya kay sila wala man makaila sa tingog sa lain.”

Mga Buhat 5:36

Kay sa unang mga adlaw, si Teudas mitungha nga nagpaila sa iyang kaugalingon nga bantogang tawo ug may mga tawo nga misunod kaniya nga mga upat ka gatos. Apan siya gipatay ug ang tanang misunod kaniya nagkabulagbulag ug nangahanaw.