Juan 10:6

Ang Biblia 2011

Kini gipasumbingay ni Jesus kanila apan wala sila makasabot sa iyang gisulti kanila.

Cross References

Salmo 106:7

Ang among katigulangan, sa dihang didto sila sa Ehipto, wala makasabot sa kahibulongan nimong mga buhat; wala sila mahinumdom sa kadagaya sa imong gugmang walay paglubad, kondili nagmasukihon batok sa Labing Halangdon, didto sa Dagat nga Pula.

Salmo 82:5

Sila walay kahibalo o panabot, naglakawlakaw sila diha sa kangitngit; ang tanang mga patukoranan sa yuta nangatay-og.

Mga Panultihon 28:5

Ang daotang mga tawo dili makasabot ug hustisya, apan kadtong nagtinguha sa Ginoo nakasabot niini sa hingpit.

Isaias 56:11

Ang mga iro dako ug kaon, sila dili gayod matagbaw. Ang mga tigbantay sa karnero usab walay panabot; sila misimang ngadto sa kaugalingon nilang mga dalan, ang matag usa sa iyang kaugalingong kaayohan, ang usa ug ang tanan.

Daniel 12:10

Daghan ang maghinlo sa ilang kaugalingon ug magpaputi sa ilang kaugalingon, ug mangaulay apan ang daotan magbuhat ug daotan, ug walay bisan kinsa sa mga daotan nga makasabot apan ang mga maalamon makasabot.

Mateo 13:34

Kining tanan gisulti ni Jesus ngadto sa mga katawhan pinaagi ug mga sambingay ug wala gayod siyay gisulti kanila nga walay sambingay.

Mateo 13:51

“Nakasabot ba kamo niining tanan?” Sila miingon, “Oo.”

Marcos 4:34

Ug wala siya magsulti kanila nga dili pinaagi ug sambingay, apan kauban sa iyang mga tinun-an nga silasila lamang, gisaysay niya ang kahulogan niining tanan.

Juan 16:25

“Kining mga butanga gisulti nako kaninyo pinaagi sa mga sambingay apan moabot ang panahon nga ako dili na magsulti kaninyo pinaagi sa mga sambingay kondili magsugilon kaninyo sa dayag gayod mahitungod sa Amahan.

Juan 16:29

Ang iyang mga tinun-an miingon, “Ah, karon nagsulti na ikaw sa dayag gayod ug dili na pinaagi ug sambingay!

Juan 6:52

Unya ang mga Judio naglalis tali sa ilang kaugalingon nga nag-ingon, “Unsaon man niining tawhana sa paghatag kanato sa iyang unod aron atong kaonon?”

Juan 6:60

Daghan sa iyang mga tinun-an nga nakadungog niini miingon, “Lisod kining sultiha. Kinsa may makapamati niini?”

Juan 7:36

Unsa may buot niyang ipasabot sa iyang pag-ingon, ‘Kamo mangita kanako apan dili kamo makakaplag kanako,’ ug, ‘Kon asa ako, dili kamo makaadto’?”

Juan 8:27

Wala sila makasabot nga siya nagsulti kanila mahitungod sa Amahan.

Juan 8:43

Nganong dili man kamo makasabot sa akong gisulti? Tungod kay kamo dili man makahimo pagpamati sa akong pulong.

1 Mga Taga-Corinto 2:14

Ang tawo nga kalibotanon dili modawat sa mga butang sa Espiritu sa Dios, kay alang kaniya kini mga binuang, ug siya dili makahimo pagsabot niini tungod kay kini matugkad lamang sa espirituhanon nga paagi.

2 Pedro 2:22

Apan nahitabo kini kanila sumala sa tinuod nga sanglitanan: Gibalikan sa iro ang iyang sinuka, ug ang baboy giligo aron lamang mobalik paglunang sa lapok.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.