Juan 10:5

Ang Biblia 2011

Apan sa lain sila dili mosunod, hinuon mobiya sila gikan kaniya kay sila wala man makaila sa tingog sa lain.”

Cross References

1 Mga Hari 22:7

Apan si Jehosafat miingon, “Wala bay lain nga propeta sa Ginoo dinhi nga atong pakisayran?”

Mga Panultihon 19:27

Hunong, anak ko, sa pagpamati sa pahimangno nga magpahisalaag lamang gikan sa mga pulong sa kahibalo.

Marcos 4:24

Ug siya miingon kanila, “Pagbantay kamo sa unsay inyong nabati, ang sukod nga inyong gigamit pagsukod mao usab ang isukod kaninyo, ug labaw pa gani unya ang idugang diha kaninyo.

Lucas 8:18

Busa pagbantay kamo sa inyong pagpamati kay siya nga adunay iya, hatagan ug dugang pa, apan siya nga walay iya, kuhaan bisan pa sa mga butang nga iyang gituohan nga anaa kaniya.”

Juan 10:16

Ug ako adunay ubang mga karnero nga dili sakop niining maong panon. Kinahanglang dad-on usab nako sila, ug sila mamati sa akong tingog. Busa usa na lamang ka panon ug usa ka magbalantay.

Juan 10:4

Ug sa madala na niya sa gawas ang tanan nga iyaha, molakaw siya nga mag-una kanila ug kaniya mosunod ang mga karnero kay sila makaila man sa iyang tingog.

2 Timoteo 4:3

Kay moabot ang panahon nga ang mga tawo dili na molahutay sa maayong pagtulun-an, kondili sumala sa ilang kaugalingong mga pangibog, magpatigom sila ug mga magtutudlo nga maghapohap sa ilang nagkatol nga mga dalunggan,

1 Juan 2:19

Sila namiya gikan kanato, apan sila dili kauban nato kay kon sila kauban pa nato, magpabilin unta sila uban kanato apan namahawa sila aron makita nga silang tanan dili diay kauban nato.

1 Juan 2:21

Ako wala magsulat kaninyo tungod kay wala kamo mahibalo sa kamatuoran, kondili tungod kay kamo nahibalo na niini ug nga walay bakak nga naggikan sa kamatuoran.

Gipadayag 2:2

“ ‘Nasayod ako sa imong mga buhat, sa imong paghago ug sa imong paglahutay, ug nga ikaw dili makapailob sa daotan nga mga tawo ug giusisa nimo ang mga nag-ingon nga sila mga apostoles apan dili diay, ug nasuta nimo nga sila bakakon.