Juan 10:31

Ang Biblia 2011

Unya ang mga Judio namunit pag-usab ug mga bato aron batoon nila siya.

Cross References

Exodo 17:4

Unya si Moises mituaw ngadto sa Ginoo, “Unsa bay akong buhaton niining katawhan? Hapit na nila ako batoon.”

Mateo 12:14

Apan ang mga Pariseo nanggula ug nagsabot batok kang Jesus kon unsaon nila sa paglaglag kaniya.

Mateo 21:35

Apan ang iyang mga ulipon gidakop sa mga saop ug ilang gibunalan ang usa ug ilang gipatay ang usa ug ang usa ilang gibato.

Mateo 23:35

aron nga diha kaninyo paninglon ang tanang dugo sa mga matarong nga miagas diha sa yuta sukad pa sa dugo ni Abel nga walay sala hangtod sa dugo ni Zacarias nga anak ni Barakias nga inyong gipatay diha sa taliwala sa balaang dapit ug sa halaran.

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 10:24

Unya mialirong kaniya ang mga Judio ug miingon kaniya, “Hangtod kanus-a ba kutob ang imong pagpahinam kanamo? Kon ikaw mao man ang Cristo, tug-ani kami sa walay lipodlipod.”

Juan 10:32

Si Jesus mitubag kanila, “Gipakitaan kamo nako ug daghang mga maayong buhat gikan sa Amahan. Unsa ba niining mga buhata ang hinungdan nga inyo akong batoon?”

Juan 11:8

Ug ang mga tinun-an miingon kaniya, “Rabi, ang mga Judio bag-o pa lang naninguha sa pagbato kanimo ug karon moadto na usab ikaw didto?”

Juan 5:18

Ug mao kini ang hinungdan ngano nga misamot pa ang tinguha sa mga Judio sa pagpatay kaniya, dili lamang tungod kay gilapas niya ang adlaw nga igpapahulay, kondili tungod usab kay ang Dios iya mang gitawag nga iyang Amahan, ug tungod niini iyang gihimong tupong sa Dios ang iyang kaugalingon.

Juan 8:59

Tungod niini namunit sila ug mga bato aron ilabay kaniya apan si Jesus mitago ug migula sa Templo.

Mga Buhat 7:52

Kinsa ba sa mga propeta ang wala lutosa sa inyong mga katigulangan? Ug ilang gipamatay ang mga nagpropesiya mahitungod sa pag-anhi sa Matarong nga inyo karong gibudhian ug gipatay,

1 Samuel 30:6

Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.