Juan 10:20

Ang Biblia 2011

Daghan kanila ang nag-ingon, “Kini siya gidemonyohan ug nabuang. Nganong mamati man kamo kaniya?”

Cross References

Isaias 53:8

Pinaagi sa pagdaogdaog ug sa paghukom siya gikuha; ug sa iyang kaliwatan, kinsa ang nag-isip nga siya gipahimulag gikan sa yuta sa mga buhi, gihampak tungod sa kalapasan sa akong katawhan?

Jeremias 29:26

‘Ang Ginoo naghimo kanimo nga pari puli kang Jehoiada nga pari, aron magdumala sa balay sa Ginoo, ibabaw sa tanang tawo nga buang nga nagpropesiya, ug bilanggoon siya.

Mateo 10:25

Igo na alang sa tinun-an nga mahisama sa iyang magtutudlo ug sa ulipon nga mahisama sa iyang agalon. Kon ang pangulo sa panimalay ilang ginganlan ug Beelzebul, unsa pa kaha ka ngil-ad sa ilang ingalan sa mga sakop sa iyang panimalay!

Mateo 11:18

Kay si Juan mianhi nga wala magkaon o mag-inom, apan sila nag-ingon, ‘Kana siya gidemonyohan!’

Mateo 9:34

Apan ang mga Pariseo miingon, “Siya nagpagula sa mga demonyo pinaagi sa pangulo sa mga demonyo.”

Marcos 3:21

Sa pagkadungog niini sa iyang mga kabanay, miadto sila aron sa pagkuha kaniya, kay miingon man sila, “Nabuang siya.”

Juan 7:20

Ang katawhan mitubag, “Gisudlan ka ug demonyo! Kinsa bay nagtinguha sa pagpatay kanimo?”

Juan 8:52

Ug ang mga Judio miingon kaniya, “Karon nasuta na gayod namo nga ikaw gidemonyohan. Si Abraham namatay, ingon man ang mga propeta ug unya moingon ikaw, ‘Kon adunay magtuman sa akong pulong, siya dili gayod makatilaw ug kamatayon.’

Mga Buhat 26:24

Ug samtang si Pablo nanalipod sa iyang kaugalingon, si Festo miingon sa kusog nga tingog, “Nagsalimoang ka, Pablo. Ang imong daghang nakat-onan nakapabuang kanimo.”