Juan 10:12

Ang Biblia 2011

Ang sinuholan lamang ug dili magbalantay ug dili tag-iya sa mga karnero, inigkakita niya sa lobo nga magsingabot, mobiya sa mga karnero ug molayas ug ang mga karnero tukbon sa lobo ug patibulaagon.

Cross References

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mateo 7:15

“Pagbantay kamo sa mga mini nga propeta nga moanha kaninyo nga magsul-ob ug bisti sa karnero apan sa sulod sila mga lobo nga manunukob.

Juan 10:13

Siya molayas kay siya sinuholan man lamang ug walay bili kaniya ang mga karnero.

Juan 10:2

Apan ang mosulod agi sa pultahan mao ang magbalantay sa karnero.

Juan 10:3

Alang kaniya ang tigbantay sa pultahan moabli ug ang mga karnero mamati sa iyang tingog ug ang iyang kaugalingong mga karnero tawgon niya sa ngalan ug mag-una kanila sa ilang pagpanggawas.

Mga Buhat 20:29

Ako nahibalo nga sa akong pagbiya ang mga bangis nga mga lubo mosulod nganha kaninyo nga walay sayloan sa panon

1 Timoteo 3:3

dili palahubog, dili tigpangdapat hinuon lumo, dili palaaway, ug dili mahigugmaon ug salapi.

1 Timoteo 3:8

Ang mga alagad usab sa iglesia kinahanglang magmaligdong, matinud-anon, dili tig-inom ug daghang bino, dili hakog sa salawayong pagpanapi.

2 Timoteo 4:10

Kay ako gibiyaan ni Demas tungod sa iyang gugma niining kalibotan karon, ug miadto sa Tesalonica. Si Cresente miadto sa Galacia, si Tito ngadto sa Dalmacia.

Tito 1:7

Kay ang pangulo sa iglesia, ingon nga piniyalan sa Dios, kinahanglang dili masaway, dili magpahimuot sa iyang kaugalingon, dili masuk-anon, dili hinginom ug bino, dili tigpangdapat, dili hinapi

1 Pedro 5:2

Atimana ninyo ang panon sa Dios nga anaa diha kaninyo, nga ilalom sa inyong pagbantay, dili ingon nga gipugos kamo kondili sa kinabubut-on sumala sa pagbuot sa Dios gayod, dili alang sa makauulawng pagpanapi kondili inubanan hinuon sa kadasig,

2 Pedro 2:3

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.