Juan 10:10

Ang Biblia 2011

Ang kawatan moanhi aron lamang sa pagpangawat ug sa pagpatay ug sa paglaglag. Ako mianhi aron sila makabaton ug kinabuhi ug magbaton niini sa madagayaon gayod.

Cross References

Isaias 56:11

Ang mga iro dako ug kaon, sila dili gayod matagbaw. Ang mga tigbantay sa karnero usab walay panabot; sila misimang ngadto sa kaugalingon nilang mga dalan, ang matag usa sa iyang kaugalingong kaayohan, ang usa ug ang tanan.

Oseas 7:1

Sa diha nga ipahiuli na nako ang maayong kahimtang sa akong katawhan, sa diha nga ayohon unta nako ang Israel, ang kasal-anan sa Efraim nabutyag, ug ang mga daotang binuhatan sa Samaria; kay sila namakak, ang kawatan nanglungkab, ug ang mga tulisan nanulis sa gawas.

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.

Mateo 20:28

sama nga ang Anak sa Tawo mianhi dili aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

Mateo 21:13

Ug miingon siya kanila, “Nasulat, ‘Ang akong balay tawgon nga balay ampoanan,’ apan gihimo ninyo kini nga langob sa mga tulisan.”

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

Marcos 11:17

Nanudlo siya ug miingon kanila, “Dili ba nasulat man, ‘Ang akong balay tawgon ug balay nga ampoanan alang sa tanang mga nasod’? Apan kini gihimo ninyong tagoanan sa mga tulisan.”

Lucas 19:10

Kay ang Anak sa Tawo mianhi sa pagpangita ug pagluwas sa nawala.”

Juan 10:1

“Sa pagkatinuod gayod, sultihan ko kamo nga ang tawo nga mosulod sa toril nga dili moagi sa pultahan apan mokatkat hinuon ug laing kaagian, kana siya kawatan ug tulisan.

Juan 10:11

Ako mao ang maayong magbalantay sa karnero. Ang maayong magbalantay sa karnero nagtahan sa iyang kinabuhi alang sa karnero.

Juan 12:47

Si bisan kinsa nga mamati sa akong mga pulong ug dili magtuman niini, ako dili maghukom kaniya kay ako wala man moanhi aron sa paghukom sa kalibotan, kondili aron sa pagluwas sa kalibotan.

Juan 12:6

Kini gisulti niya, dili tungod kay siya may kahangawa alang sa mga kabos, kondili tungod kay siya kawatan man ug kay siya mao man ang tigtipig sa sudlanan sa salapi nga ang isulod niini iyang kuhaan.

Juan 3:17

Kay wala ipadala sa Dios ang iyang Anak nganhi sa kalibotan aron sa paghukom sa kalibotan kondili aron nga ang kalibotan maluwas pinaagi kaniya.

Juan 5:40

apan nagdumili kamo sa pagduol kanako aron unta makabaton kamo ug kinabuhi.

Juan 6:33

Kay ang pan sa Dios mao kadtong nanaog gikan sa langit ug naghatag ug kinabuhi ngadto sa kalibotan.”

Juan 6:51

Ako mao ang buhing pan nga nanaog gikan sa langit. Si bisan kinsa nga mokaon niining maong pan, mabuhi sa dayon ug ang pan nga akong ihatag alang sa kinabuhi sa kalibotan mao ang akong unod.”

Roma 2:21

busa karon, ikaw nga nanudlo sa uban, dili ba nimo tudloan ang imong kaugalingon? Ikaw nga nagwali batok sa pagpangawat, mangawat ba ikaw?

1 Timoteo 1:15

Kasaligan ang pulong ug takos nga dawaton sa hingpit, nga si Cristo Jesus mianhi sa kalibotan aron sa pagluwas sa mga makasasala. Ug ako mao ang labaw sa mga makasasala,

Mga Hebreo 6:17

Busa, sa dihang buot ipatin-aw pag-ayo sa Dios ngadto kanila nga manunod sa saad nga dili gayod mausab ang iyang katuyoan, gipalig-on niya kini pinaagi sa usa ka panumpa,

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

2 Pedro 1:11

Busa aduna unyay daghan kaayong pagpahigayon alang kaninyo sa pagsulod ngadto sa dayong gingharian sa atong Ginoo ug Manluluwas nga si Jesu-Cristo.