Juan 1:7

Ang Biblia 2011

Siya mianhi ingon nga saksi aron sa pagpamatuod mahitungod sa kahayag, aron ang tanan motuo pinaagi kaniya.

Cross References

Malaquias 3:1

“Tan-awa, ako magpadala sa akong sinugo, aron sa pag-andam sa dalan una kanako, ug sa kalit ang Ginoo nga inyong gipangita moabot sa iyang Templo; ang sinugo sa kasabotan nga inyong gikahimut-an, siya moabot na, nag-ingon ang Ginoo sa mga panon.

Juan 1:12

Apan ngadto sa tanang midawat kaniya, sa mga mituo sa iyang ngalan, naghatag siya kanila ug katungod sa pagkahimong mga anak sa Dios,

Juan 1:15

Si Juan nagpamatuod mahitungod kaniya, ug misinggit nga nag-ingon, “Mao kini siya ang gihisgotan nako sa akong pag-ingon, ‘Siya nga moanhi sunod kanako labaw pa kay kanako kay siya una man kanako.’”

Juan 1:19

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Juan 1:36

Samtang nagtan-aw siya kang Jesus nga naglakaw, siya miingon, “Tan-awa, mao kana ang Nating Karnero sa Dios!”

Juan 1:9

Ang matuod nga kahayag nga nagdan-ag sa tanang tawo moanhi sa kalibotan.

Mga Buhat 19:4

Ug si Pablo miingon, “Si Juan nagbautismo sa bautismo sa paghinulsol, nagsulti sa katawhan nga kinahanglan silang motuo niadtong moabot sunod kaniya nga mao si Jesus.”

Mga Taga-Galacia 3:26

kay diha kang Cristo Jesus kamong tanan nahimo na man nga mga anak sa Dios pinaagi sa pagtuo.

Mga Taga-Efeso 3:9

ug aron ipahayag ngadto sa tanang tawo kon unsa ang laraw sa maong tinago. Sulod sa mga katuigan gitago kini sa Dios nga maoy nagbuhat sa tanang butang,

1 Timoteo 2:4

nga nagtinguha nga ang tanang tawo maluwas ug makaabot sa kahibalo sa kamatuoran.

Tito 2:11

Ang grasya sa Dios gipadayag alang sa kaluwasan sa tanang tawo,

2 Pedro 3:9

Sa iyang saad ang Ginoo dili langaylangayan, nianang paglangaylangay nga gihunahuna sa uban. Apan siya mapailobon hinuon kaninyo, dili buot nga adunay mahanaw kondili nga ang tanan makakab-ot unta sa paghinulsol.