Juan 1:50

Ang Biblia 2011

Ug si Jesus mitubag ug miingon kaniya, “Tungod ba kay miingon ako kanimo nga nakita ko ikaw nga nagpasilong diha sa kahoyng igera, mituo ikaw? Makita ra unya nimo ang dagko pang mga butang kay niini.”

Cross References

Mateo 13:12

Kay siya nga adunay iya, hatagan pa gayod ug magmadagayaon siya, apan siya nga walay iya, bisan ang anaa kaniya kuhaon pa gayod.

Mateo 21:19

Ug sa pagkakita niya sa usa ka kahoyng igera diha sa daplin sa dalan, giduol niya kini, ug wala siyay nakaplagan niini gawas sa mga dahon lamang. Ug giingnan niya kini, “Sukad karon dili ka na gayod makapamunga pag-usab.” Ug ang kahoyng igera nalaya dayon.

Mateo 25:29

Kay ang matag usa nga adunay iya hatagan ug dugang pa ug makabaton siya sa kadagaya. Apan siya nga walay iya, kuhaan sa bisan unsa nga anaa kaniya.

Lucas 1:45

Bulahan siya nga mituo nga aduna gayoy katumanan ang gisulti kaniya gikan sa Ginoo.”

Lucas 7:9

Sa pagkadungog niya niini, si Jesus nahibulong kaniya, ug milingi ug miingon ngadto sa pundok sa katawhan nga mikuyog kaniya, “Sultihan ko kamo, bisan gani sa Israel wala pa akoy nakitang pagsalig nga sama niini.”

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Juan 1:51

Ug siya miingon kaniya, “Sa pagkatinuod gayod, sultihan ko kamo nga makita ra unya ninyo ang langit nga maabli ug ang mga anghel sa Dios nga magsaka ug magkanaog ibabaw sa Anak sa Tawo.”

Juan 11:40

Si Jesus mitubag kaniya, “Wala ba ako mag-ingon kanimo nga kon motuo ikaw makita nimo ang himaya sa Dios?”

Juan 20:29

Ug si Jesus miingon kaniya, “Mituo ba ikaw tungod kay nakita nimo ako? Bulahan kadtong wala makakita apan nagtuo.”