Juan 1:45

Ang Biblia 2011

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Cross References

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Isaias 53:2

Kay siya mitubo sa iyang atubangan sama sa usa ka linghod nga tanom, ug sama sa gamot sa uga nga yuta; siya walay panagway o kaanyag nga kita motan-aw kaniya, ug walay katahom nga kita magtinguha kaniya.

Isaias 7:14

Busa ang Ginoo gayod maoy maghatag kaninyo ug usa ka ilhanan. Tan-awa, ang usa ka batan-ong babaye magsamkon, ug manganak ug usa ka batang lalaki, ug tawgon ang iyang ngalan ug Emmanuel.

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Zacarias 6:12

Ug sultihi siya, ‘Mao kini ang giingon sa Ginoo sa mga panon: “Tan-awa, ang tawo nga ginganlan ug Sanga, kay siya moturok diha sa iyang dapit, ug tukoron niya ang Templo sa Ginoo.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 10:3

si Felipe ug si Bartolome, si Tomas ug si Mateo nga tigpaningil ug buhis, si Santiago nga anak ni Alfeo ug si Tadeo,

Mateo 13:55

Dili ba siya mao man ang anak sa panday? Dili ba ang iyang inahan ginganlan ug Maria? Ug dili ba ang iyang mga igsoong lalaki mao man sila si Santiago ug si Jose ug si Simon ug si Judas?

Mateo 2:23

Ug siya miabot ug mipuyo sa usa ka lungsod nga ginganlan ug Nazaret, aron matuman ang gisulti sa mga propeta nga nag-ingon, “Siya tawgon nga Nazaretnon.”

Mateo 21:11

Ug ang mga panon sa katawhan miingon, “Mao kini ang propeta nga si Jesus gikan sa Nazaret sa Galilea.”

Marcos 14:67

Ug sa iyang pagkakita kang Pedro nga nagpainit atubangan sa kalayo, siya mitutok kaniya ug miingon, “Ikaw usab kauban nianang Nazaretnon nga si Jesus.”

Marcos 6:3

Dili ba siya mao man ang panday, nga anak ni Maria ug igsoon nila ni Santiago ug ni Jose ug ni Judas ug ni Simon? Ug dili ba ang iyang mga igsoong babaye ania man uban kanato?” Ug nasuko sila kaniya.

Lucas 18:37

Unya gisuginlan nila siya, “Si Jesus nga Nazaretnon ania miagi.”

Lucas 2:4

Ug si Jose usab gikan sa Galilea, gikan sa lungsod sa Nazaret, miadto sa Judea, sa lungsod ni David nga ginganlan ug Betlehem, kay siya gikan man sa banay ug sa kaliwatan ni David,

Lucas 2:48

Sa pagkakita sa iyang mga ginikanan kaniya, natingala sila. Ug ang iyang inahan miingon kaniya, “Anak, nganong gibuhatan mo man kami niini? Tan-awa, ang imong amahan ug ako nabalaka sa pagpangita kanimo.”

Lucas 24:27

Ug sugod kang Moises ug sa tanang mga propeta, iyang gipasabot kanila ang mga butang sa tibuok nga kasulatan mahitungod sa iyang kaugalingon.

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Lucas 3:23

Si Jesus, sa iyang pagsugod sa pagpangalagad, nagpanuigon ug mga 30 ka tuig, ingon nga anak (sumala sa gituohan) ni Jose, nga anak ni Heli,

Lucas 4:22

Ang tanan nagsulti ug maayo mahitungod kaniya, ug nahibulong sa malumo nga mga pulong nga migula gikan sa iyang baba. Sila miingon, “Dili ba anak man kini ni Jose?”

Juan 1:44

Ug si Felipe taga-Betsaida, ang lungsod nila ni Andres ug Pedro.

Juan 12:21

Kini sila miduol kang Felipe nga taga-Betsaida sa Galilea ug mihangyo kaniya nga nag-ingon, “Ginoo, makigkita unta kami kang Jesus.”

Juan 14:8

Unya si Felipe miingon kaniya, “Ginoo, ipakita kanamo ang Amahan ug igo na kana kanamo.”

Juan 18:5

Sila mitubag kaniya, “Si Jesus nga taga-Nazaret.” Si Jesus miingon kanila, “Ako mao siya.” Si Judas, nga mao ang nagbudhi kaniya, nagtindog uban kanila.

Juan 18:7

Nangutana siya pag-usab kanila, “Kinsa bay inyong gipangita?” Ug sila mitubag, “Si Jesus nga taga-Nazaret.”

Juan 19:19

Ug si Pilato nagsulat usab ug usa ka pahibalo ug gibutang niya kini sa krus. Ang pahibalo nag-ingon, “Si Jesus nga taga-Nazaret, ang Hari sa mga Judio.”

Juan 21:2

Didto nagkauban sila si Simon Pedro, si Tomas nga ginganlan ug ang Kaluha, si Natanael nga taga-Cana sa Galilea, ang mga anak ni Zebedeo ug ang laing duha pa sa iyang mga tinun-an.

Juan 6:42

Ug sila miingon, “Dili ba kini siya mao man si Jesus, ang anak ni Jose, nga ang amahan ug inahan atong nailhan? Naunsa ba nga nag-ingon na man siya karon, ‘Ako nanaog gikan sa langit’?”

Juan 6:5

Ug sa pagyahat ni Jesus sa iyang mga mata ug sa pagkakita niya sa dakong panon sa katawhan nga nagpadulong kaniya, miingon siya kang Felipe, “Asa man kita magpalit ug pan aron makakaon kini sila?”

Juan 6:7

Si Felipe mitubag kaniya, “Ang duha ka gatos ka denario dili pa igong ipalit ug pan aron ang matag usa kanila makadawat ug diyotay.”

Mga Buhat 10:38

giunsa sa Dios pagdihog pinaagi sa Espiritu Santo ug sa gahom, giunsa niya paglibot aron sa pagbuhat ug maayo ug sa pagpang-ayo sa tanang gisakit sa yawa, kay ang Dios nag-uban kaniya.

Mga Buhat 2:22

“Mga tawo sa Israel, pamatia ninyo kining mga pulonga: si Jesus nga Nazaretnon, tawo nga gipamatud-an kaninyo sa Dios pinaagi sa gamhanang mga buhat ug mga kahibulongan ug mga ilhanan nga gihimo sa Dios pinaagi kaniya diha kaninyo, sumala sa inyo gayod nga nahibaloan.

Mga Buhat 22:8

Unya nangutana ako, ‘Kinsa ka man, Ginoo?’ Ug siya mitubag kanako, ‘Ako mao si Jesus nga Nazaretnon nga imong gilutos.’

Mga Buhat 26:9

“Ako gayod nagtuo diha sa akong kaugalingon nga kinahanglang magbuhat ako ug daghang butang nga supak sa ngalan ni Jesus nga Nazaretnon.

Mga Buhat 3:6

Apan si Pedro miingon, “Wala akoy plata o bulawan, apan hatagan ko ikaw sa ania kanako. Sa ngalan ni Jesu-Cristo nga Nazaretnon, tindog ug lakaw.”