Juan 1:32

Ang Biblia 2011

Ug si Juan nagpamatuod nga nag-ingon, “Nakita nako ang Espiritu nga mikunsad ingon ug salampati gikan sa langit, ug kini nagpabilin diha kaniya.

Cross References

Isaias 11:2

Ang Espiritu sa Ginoo mopuyo diha kaniya, ang espiritu sa kaalam ug pagsabot, ang espiritu sa pagtambag ug kagahom, ang espiritu sa kahibalo ug ang kahadlok sa Ginoo.

Mateo 3:16

Ug sa gibautismohan na si Jesus, siya mihaw-as dayon gikan sa tubig, ug unya naabli ang kalangitan ug iyang nakita ang Espiritu sa Dios nga mikunsad daw salampati, ug mitugdon kaniya.

Marcos 1:10

Sa iyang paghaw-as gikan sa tubig, dihadiha nakita niya nga nabukas ang kalangitan ug ang Espiritu mikunsad diha kaniya sama sa salampati.

Lucas 3:22

ug diha kaniya mikunsad ang Espiritu Santo sa lawasnon nga panagway sama sa salampati ug may tingog nga miabot gikan sa langit, “Ikaw ang akong pinalanggang Anak, kanimo nalipay ako.”

Juan 1:31

Bisan ako wala masayod mahitungod kaniya, apan aron ikapadayag siya ngadto sa Israel, maoy hinungdan nga mianhi ako nga nagbautismo pinaagi sa tubig.”

Juan 1:7

Siya mianhi ingon nga saksi aron sa pagpamatuod mahitungod sa kahayag, aron ang tanan motuo pinaagi kaniya.

Juan 5:32

Adunay lain nga magpamatuod mahitungod kanako ug ako nahibalo nga ang pagpamatuod nga iyang ipadayag mahitungod kanako matuod.