Juan 1:29

Ang Biblia 2011

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Cross References

Exodo 28:38

Anha kini sa agtang ni Aaron, ug si Aaron magdala sa bisan unsang sala nga nabuhat diha sa halad nga balaan nga gigahin sa katawhan sa Israel ingon nga mga balaang gasa. Kinahanglang anha kini kanunay sa iyang agtang aron sila dawaton sa atubangan sa Ginoo.

Isaias 53:10

Apan kabubut-on sa Ginoo ang pagsamad kaniya; gisakit niya siya; sa diha nga gihimo niya ang iyang kaugalingon nga usa ka halad alang sa sala, makita niya ang iyang kaliwat, siya maglugway sa iyang mga adlaw; ug ang kabubut-on sa Ginoo mouswag diha sa iyang kamot;

Isaias 53:11

siya makakita sa bunga sa kasakit sa iyang kalag ug matagbaw; pinaagi sa iyang kahibalo, ang matarong nga akong sulugoon, maghimo sa daghan nga isipong matarong ug pas-anon niya ang ilang kasal-anan.

Isaias 53:7

Siya gidaogdaog ug siya gisakit, bisan pa niana wala niya bukha ang iyang baba; sama sa usa ka nating karnero nga gidala ngadto sa ihawan, ug sama sa usa ka karnero nga naamang sa atubangan sa iyang mga tigtupi, busa wala niya bukha ang iyang baba.

Oseas 14:2

Dad-a ang inyong mga pulong, ug balik ngadto sa Ginoo; ingna siya, “Kuhaa ang tanang kasal-anan; dawata ang maayo ug among ihatag ang bunga sa among mga ngabil.

Levitico 10:17

“Nganong wala man ninyo kaona ang halad tungod sa sala diha sa balaang dapit nga kini butang man nga labing balaan ug nga kini gihatag man kaninyo aron pas-anon ninyo ang kasal-anan sa katilingban, aron sa paghimo sa pagtabon sa sala alang kanila sa atubangan sa Ginoo?

Zacarias 13:1

“Nianang adlawa adunay usa ka tuboran nga buksan alang sa balay ni David ug sa mga nagpuyo sa Jerusalem, aron sa paghinlo kanila gikan sa sala ug sa pagkahugaw.

Numeros 18:1

Busa ang Ginoo miingon kang Aaron, “Ikaw ug ang imong mga anak nga lalaki ug ang banay sa imong katigulangan uban kanimo magdala sa sala nga may kalabotan sa balaang dapit, ug ikaw ug ang imong mga anak uban kanimo magdala sa sala nga may kalabotan sa inyong pagkapari.

Numeros 18:23

Apan ang mga Levihanon magbuhat sa pag-alagad sa tolda nga tagboanan ug sila magdala sa ilang pagkadaotan. Kini mao ang walay kataposan nga balaod hangtod sa inyong mga kaliwatan, ug sila dili makaangkon ug panulundon diha sa katawhan sa Israel.

Numeros 21:9

Busa si Moises nagbuhat ug usa ka bitin nga bronsi ug gibutang niya sa ibabaw sa tukon ug mahitabo nga kon adunay bitin nga mopaak kang bisan kinsa, sa diha nga siya makatan-aw sa bitin nga bronsi mabuhi siya.

Numeros 7:27

usa ka nating baka nga laki, usa ka laking karnero, usa ka nating karnero nga laki nga usa ka tuig ang kagulangon alang sa halad nga sunogon,

Numeros 7:39

usa ka nating baka nga laki, usa ka laking karnero, usa ka nating karnero nga laki nga usa ka tuig ang kagulangon alang sa halad nga sunogon

Mateo 1:21

Manganak siya ug usa ka batang lalaki, ug siya imong nganlan ug Jesus, kay siya mao ang moluwas sa iyang katawhan gikan sa ilang mga sala.”

Mateo 20:28

sama nga ang Anak sa Tawo mianhi dili aron alagaran kondili aron sa pag-alagad ug sa paghatag sa iyang kinabuhi ingon nga lukat alang sa daghan.”

Juan 1:35

Sa pagkasunod nga adlaw didto na usab si Juan nagtindog uban sa duha sa iyang mga tinun-an.

Juan 1:36

Samtang nagtan-aw siya kang Jesus nga naglakaw, siya miingon, “Tan-awa, mao kana ang Nating Karnero sa Dios!”

Juan 1:43

Sa pagkasunod nga adlaw si Jesus buot moadto sa Galilea. Ug gikahibalag niya si Felipe ug giingnan, “Sunod kanako.”

Juan 2:1

Sa ikatulong adlaw dihay kasal didto sa Cana sa Galilea ug didto ang inahan ni Jesus.

Juan 3:16

Kay gihigugma sa Dios ang kalibotan sa ingon nga tungod niana gihatag niya ang iyang bugtong Anak aron nga ang tanang motuo kaniya dili malaglag kondili makabaton sa kinabuhing dayon.

Juan 4:42

Unya miingon sila sa babaye, “Dili na tungod sa imong mga pulong nga kami mituo, kay kami na gayod mao ang nakadungog kaniya ug among naila nga siya, sa pagkatinuod, mao ang Manluluwas sa kalibotan.”

Juan 6:51

Ako mao ang buhing pan nga nanaog gikan sa langit. Si bisan kinsa nga mokaon niining maong pan, mabuhi sa dayon ug ang pan nga akong ihatag alang sa kinabuhi sa kalibotan mao ang akong unod.”

Mga Buhat 13:39

ug pinaagi kaniya ang tanan nga nagtuo gipahigawas na gikan sa tanang butang nga kamo wala mapahigawas pinaagi sa Balaod ni Moises.

Mga Buhat 8:32

Ug ang bahin sa kasulatan nga iyang gibasa mao kini: “Sama sa karnero nga gidala ngadto sa ihawan, o sa nating karnero nga hilom sa atubangan sa nagputol sa iyang buhok, wala usab niya bukha ang iyang baba.

1 Mga Taga-Corinto 15:3

Kay gitugyan nako kaninyo ingon nga labing mahinungdanon sa tanan ang unsay nadawat nako, nga si Cristo namatay alang sa atong mga sala sumala sa kasulatan,

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Taga-Galacia 1:4

nga mitugyan sa iyang kaugalingon alang sa atong mga sala aron sa pagluwas kanato gikan niining daotan nga kapanahonan karon, sumala sa kabubut-on sa atong Dios ug Amahan.

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

1 Timoteo 2:6

nga naghatag sa iyang kaugalingon ingon nga lukat alang sa tanan, nga ang pagpamatuod niini nahimo na sa gitakda nga panahon.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Mga Hebreo 2:17

Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.

Mga Hebreo 9:28

mao usab si Cristo, human makahalad sa makausa aron sa pagkuha sa mga sala sa daghan motungha sa ikaduhang higayon, dili mahitungod sa sala, kondili sa pagluwas kanila nga mainitong nagpaabot kaniya.

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.

1 Juan 3:5

Kamo nasayod nga siya gipadayag aron sa pagkuha sa mga kasal-anan, ug diha kaniya walay sala.

1 Juan 4:10

Niini ania ang gugma, dili nga kita nahigugma sa Dios kondili nga siya nahigugma kanato ug nagpadala sa iyang Anak nga halad sa pasig-uli alang sa atong mga sala.

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

Gipadayag 12:11

Ug sila nagmadaogon batok kaniya pinaagi sa dugo sa Nating Karnero ug sa pulong sa ilang pagpamatuod, tungod kay wala man sila mahigugma sa ilang mga kinabuhi bisan ngadto sa kamatayon.

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.

Gipadayag 14:1

Unya ako mitan-aw ug akong nakita nga diha sa Bukid sa Zion nagtindog ang Nating Karnero, ug uban kaniya ang 144,000 ka tawo nga nagbaton sa iyang ngalan ug sa ngalan sa iyang Amahan nga nasulat diha sa ilang mga agtang.

Gipadayag 14:10

siya usab makainom sa bino sa kapungot sa Dios nga tagayon nga walay sagol diha sa kupa sa iyang kasuko, ug siya sakiton pinaagi sa kalayo ug asupri diha sa atubangan sa mga balaang anghel ug sa atubangan sa Nating Karnero.

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero

Gipadayag 15:3

Ug sila nag-awit sa awit ni Moises nga sulugoon sa Dios ug sa awit sa Nating Karnero, nga nag-ingon, “Dako ug kahibulongan ang imong mga buhat, O Ginoong Dios nga Makagagahom sa Tanan! Matarong ug matuod ang imong mga pamaagi, O Hari sa kanasoran!

Gipadayag 17:14

Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”

Gipadayag 19:7

Maglipay ug magsadya kita ug ihatag nato kaniya ang himaya, kay ang kasal sa Nating Karnero miabot na, ug ang iyang Pangasaw-onon nakaandam na sa iyang kaugalingon,

Gipadayag 19:9

Ug ang anghel miingon kanako, “Isulat kini: Bulahan ang mga gipangdapit ngadto sa kombira sa kasal sa Nating Karnero.” Ug siya miingon kanako, “Kini matuod nga mga pulong sa Dios.”

Gipadayag 21:14

Ug ang paril sa siyudad may napulo ug duha ka patukoranan, ug diha kanila ang mga ngalan sa napulo ug duha ka apostoles sa Nating Karnero.

Gipadayag 21:27

Apan dinhi niini walay bisan unsa nga hugaw nga pasudlon, ang naghimo ug mga dulumtanan o bakak, kondili sila lamang nga nasulat diha sa basahon sa kinabuhi nga iya sa Nating Karnero.

Gipadayag 21:9

Unya mitungha ang usa sa pito ka anghel nga may pito ka panaksan nga napuno sa kataposang pito ka katalagman, ug kanako misulti siya nga nag-ingon, “Duol ngari, akong ipakita kanimo ang Pangasaw-onon, ang asawa sa Nating Karnero.”

Gipadayag 5:6

Ug sa taliwala sa trono ug sa upat ka buhing binuhat ug taliwala sa mga kadagkoan nakita nako ang usa ka Nating Karnero nga nagtindog nga daw gipatay, may pito ka sungay ug pito ka mata nga mao ang pito ka espiritu sa Dios nga gipadala ngadto sa tibuok nga yuta.

Gipadayag 5:8

Ug sa nakuha na niya ang basahong linukot, ang upat ka buhing binuhat ug ang 24 ka kadagkoan mihapa sa atubangan sa Nating Karnero, ang matag usa nagkupot ug alpa ug mga bulawang panaksan nga puno sa insenso, nga mao ang mga pag-ampo sa mga balaan.

Gipadayag 6:1

Ug akong nakita sa diha nga ang Nating Karnero mibukas sa usa sa pito ka silyo, ug nadungog nako ang usa sa upat ka buhing binuhat nga nag-ingon sa tingog nga daw dalugdog, “Duol ngari!”

Gipadayag 6:16

ug nag-ingon ngadto sa mga bukid ug mga pangpang, “Tumpagi ug taboni kami gikan sa nawong sa naglingkod sa trono, ug gikan sa kapungot sa Nating Karnero,

Gipadayag 7:14

Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero.

Gipadayag 7:17

Kay ang Nating Karnero nga anaa sa taliwala sa trono maoy magbantay kanila, ug magtultol kanila ngadto sa mga tuboran sa tubig sa kinabuhi, ug pahiran sa Dios ang tanang luha sa ilang mga mata.”