Juan 1:21

Ang Biblia 2011

Ug sila nangutana kaniya, “Unsa man diay ikaw? Ikaw ba si Elias?” Siya miingon, “Dili ako mao.” “Ikaw ba ang propeta?” Siya mitubag, “Dili.”

Cross References

Malaquias 4:5

“Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.

Mateo 11:14

ug kon buot kamong modawat niini, siya mao si Elias nga moabot.

Mateo 16:14

Ug sila miingon, “Ang uban nag-ingon nga si Juan nga Tigbautismo, ang uban nag-ingon nga si Elias, ug ang uban, si Jeremias o usa sa mga propeta.”

Mateo 21:11

Ug ang mga panon sa katawhan miingon, “Mao kini ang propeta nga si Jesus gikan sa Nazaret sa Galilea.”

Lucas 1:17

ug siya mag-una kaniya diha sa espiritu ug sa gahom ni Elias, aron sa pagliso sa mga kasingkasing sa mga amahan balik ngadto sa mga anak, ug sa mga masinupakon ngadto sa kaalam sa mga matarong, aron sa pagtagana alang sa Ginoo ug usa ka inandam nga katawhan.”

Juan 1:22

Unya miingon sila kaniya, “Kinsa man diay ikaw? Tug-ani kami aron may ikatubag kami sa mga nagsugo kanamo. Unsa may imong ikasulti mahitungod sa imong kaugalingon?”

Juan 1:25

Sila nangutana kaniya, “Nganong namautismo man ikaw, nga dili man ikaw mao ang Cristo o si Elias o ang propeta?”

Juan 6:14

Sa pagkakita sa mga tawo sa ilhanan nga iyang gibuhat, sila miingon, “Sa pagkatinuod kini siya mao gayod ang propeta nga moanhi sa kalibotan!”

Juan 7:40

Sa ilang pagkadungog niining mga pulonga, dihay pipila sa mga tawo nga nag-ingon, “Sa pagkatinuod kini siya mao ang propeta.”