Juan 1:19

Ang Biblia 2011

Ug mao kini ang pamatuod ni Juan sa diha nga gipadala ngadto kaniya sa mga Judio ang mga pari ug mga Levihanon gikan sa Jerusalem aron sa pagpangutana kaniya, “Kinsa man ikaw?”

Cross References

Juan 1:7

Siya mianhi ingon nga saksi aron sa pagpamatuod mahitungod sa kahayag, aron ang tanan motuo pinaagi kaniya.

Juan 10:24

Unya mialirong kaniya ang mga Judio ug miingon kaniya, “Hangtod kanus-a ba kutob ang imong pagpahinam kanamo? Kon ikaw mao man ang Cristo, tug-ani kami sa walay lipodlipod.”

Juan 10:31

Unya ang mga Judio namunit pag-usab ug mga bato aron batoon nila siya.

Juan 11:19

busa daghan sa mga Judio ang nangadto kang Marta ug Maria aron sa paghupay kanila tungod sa ilang igsoon.

Juan 2:18

Busa ang mga Judio miingon kaniya, “Unsa man ang ilhanan nga imong ikapakita kanamo nga ikaw nagbuhat man niini?”

Juan 2:20

Unya ang mga Judio miingon, “Kining templo gitukod sulod sa 46 ka tuig apan ikaw mopatindog niini sulod sa tulo ka adlaw?”

Juan 5:10

Tungod niana ang mga Judio miingon sa tawo nga naayo, “Adlaw karon nga igpapahulay ug dili uyon sa balaod ang pagdaladala nimo sa imong higdaanan.”

Juan 5:15

Ug ang tawo milakaw ug gisuginlan niya ang mga Judio nga ang nag-ayo kaniya mao si Jesus.

Juan 5:16

Ug mao kini ang hinungdan ngano nga si Jesus gilutos sa mga Judio kay kini gibuhat man niya sa adlaw nga igpapahulay.

Juan 5:18

Ug mao kini ang hinungdan ngano nga misamot pa ang tinguha sa mga Judio sa pagpatay kaniya, dili lamang tungod kay gilapas niya ang adlaw nga igpapahulay, kondili tungod usab kay ang Dios iya mang gitawag nga iyang Amahan, ug tungod niini iyang gihimong tupong sa Dios ang iyang kaugalingon.

Juan 6:41

Unya ang mga Judio nagbagutbot tungod sa iyang pag-ingon, “Ako mao ang pan nga nanaog gikan sa langit.”

Juan 6:52

Unya ang mga Judio naglalis tali sa ilang kaugalingon nga nag-ingon, “Unsaon man niining tawhana sa paghatag kanato sa iyang unod aron atong kaonon?”

Juan 7:1

Unya human niini, si Jesus milibot didto sa Galilea ug dili siya buot moadto sa Judea kay ang mga Judio naninguha man sa pagpatay kaniya.

Juan 7:11

Ug didto sa kasaulogan, ang mga Judio nangita kaniya ug nag-ingon, “Hain ba siya?”

Juan 7:15

Busa nahibulong ang mga Judio nga nag-ingon, “Giunsa man niining tawhana sa pagkabaton ug kahibalo nga wala man unta siya makatuon?”

Juan 8:22

Unya ang mga Judio miingon, “Patyon ba kaha niya ang iyang kaugalingon, kay nag-ingon man siya, ‘Asa ako padulong, dili kamo makaadto’?”

Juan 8:48

Ang mga Judio mitubag nga nag-ingon kaniya, “Dili ba nagsulti man kami sa husto nga ikaw usa ka Samarianhon ug gidemonyohan?”

Juan 8:52

Ug ang mga Judio miingon kaniya, “Karon nasuta na gayod namo nga ikaw gidemonyohan. Si Abraham namatay, ingon man ang mga propeta ug unya moingon ikaw, ‘Kon adunay magtuman sa akong pulong, siya dili gayod makatilaw ug kamatayon.’

Juan 8:57

Unya ang mga Judio miingon kaniya, “Wala ka pa gani magpanuigon ug 50, nakakita ka na kang Abraham?”

Mga Buhat 13:25

Ug sa hapit na matapos si Juan sa iyang buluhaton, siya miingon, ‘Kinsa man ako sa inyong hunahuna? Dili ako mao siya, apan human kanako adunay moabot, nga sa mga sandalyas sa iyang mga tiil dili ako takos sa paghubad.’

Mga Buhat 19:4

Ug si Pablo miingon, “Si Juan nagbautismo sa bautismo sa paghinulsol, nagsulti sa katawhan nga kinahanglan silang motuo niadtong moabot sunod kaniya nga mao si Jesus.”

Deuteronomio 24:8

“Pagbantay sa sakit nga sanla ug pagmatngon sa pagbuhat sumala sa tanan nga itudlo kaninyo sa mga pari nga Levihanon, sumala sa akong gisugo kanila pagmatngon kamo sa pagbuhat niini.

1 Juan 1:5

Kini mao ang mensahe nga among nadungog gikan kaniya ug among gisangyaw kaninyo nga ang Dios kahayag ug diha kaniya wala gayoy kangitngit.