Juan 1:18

Ang Biblia 2011

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Cross References

Genesis 16:13

Unya gitawag niya ang ngalan sa Ginoo nga nakigsulti kaniya, “Ikaw mao ang Dios nga nagtan-aw,” kay siya miingon, “Nakakita ba gayod ako sa Dios ug nagpabiling buhi human ako nakakita kaniya?”

Genesis 18:33

Ug mipadayon ang Ginoo sa paglakaw human siya makigsulti kang Abraham, ug si Abraham mipauli sa iyang dapit.

Exodo 23:21

Pamati kamo kaniya ug tumana ang iyang tingog. Ayaw kamo pagsupak kaniya kay siya dili mopasaylo sa inyong mga kalapasan, kay ang akong ngalan anaa kaniya.

Exodo 24:10

Ug ilang nakita ang Dios sa Israel ug diha sa ubos sa iyang mga tiil ang daw usa ka agianan nga safiro ug sama sa langit gayod ang iyang katin-aw.

Mga Panultihon 8:30

didto ako tupad kaniya, sama sa usa ka batid nga magbubuhat; ug sa matag adlaw ako ang iyang kalipay, naglipay kanunay sa iyang atubangan,

Isaias 40:11

Siya magpasibsib sa iyang panon sama sa usa ka tigbantay sa karnero, siya nagtigom sa mga nating karnero diha sa iyang bukton, magkugos kanila diha sa iyang dughan, ug malumong maggiya niadtong adunay mga gagmay.

Mga Pagbangotan 2:12

Sila nagtuaw ngadto sa ilang mga inahan, “Hain man ang pan ug ang bino?” sa diha nga gipanguyapan sila sama sa mga samaran diha sa kadalanan sa siyudad, sa diha nga gibubo ang ilang kinabuhi sa sabakan sa ilang inahan.

Numeros 12:8

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Mateo 11:27

Ang tanang mga butang gitugyan kanako sa akong Amahan ug walay nakaila sa hingpit kinsa ang Anak gawas sa Amahan ug walay nakaila sa hingpit kinsa ang Amahan gawas sa Anak ug kang bisan kinsa nga buot sa Anak nga padaygan sa Amahan.

Lucas 10:22

Ang tanang mga butang gitugyan nganhi kanako sa akong Amahan ug walay nakaila kon si kinsa ang Anak gawas sa Amahan, o si kinsa ang Amahan gawas sa Anak ug ni bisan kinsa nga gipili sa Anak aron iyang padayagan.”

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 12:41

Kini gisulti ni Isaias tungod kay nakita man niya ang himaya ni Jesus ug misulti siya mahitungod kaniya.

Juan 13:23

Usa sa iyang mga tinun-an, nga pinalangga ni Jesus, nagsandig sa dughan ni Jesus.

Juan 14:9

Si Jesus mitubag kaniya, “Kadugay na nakong nakig-uban kaninyo ug wala ikaw makaila kanako, Felipe? Ang nakakita kanako nakakita sa Amahan. Nganong nag-ingon man ikaw, ‘Ipakita kanamo ang Amahan?’

Juan 17:26

Ug ang imong ngalan akong gipaila kanila, ug kini ipaila nako kanila aron nga ang gugma nga imong gihigugma kanako maanaa kanila ug ako maanaa kanila.”

Juan 17:6

“Gipadayag nako ang imong ngalan ngadto sa mga tawo nga imong gitugyan kanako gikan sa kalibotan. Kini sila imo apan gitugyan nimo sila kanako ug gituman nila ang imong pulong.

Juan 3:11

Sa pagkatinuod gayod, sultihan ko ikaw nga kami nagsulti sa among nahibaloan ug nagpamatuod sa among nakita apan kamo wala modawat sa among pagpamatuod.

Juan 6:46

Dili sabton nga adunay nakakita sa Amahan gawas kaniya nga gikan sa Dios, siya nakakita sa Amahan.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Deuteronomio 4:12

Unya misulti ang Ginoo kaninyo gikan sa taliwala sa kalayo. Nadungog ninyo ang tingog sa mga pulong apan wala makakita ug dagway, tingog lamang ang atua didto.

Mga Taga-Colosas 1:15

Siya mao ang dagway sa dili makita nga Dios, ang panganay sa tibuok nga kabuhatan.

1 Timoteo 1:17

Ngadto sa Hari sa kapanahonan nga dili mamatay, dili makita, ang bugtong nga Dios, ang dungog ug himaya hangtod sa kahangtoran. Amen.

1 Timoteo 6:16

nga mao lamang ang bugtong nga walay kamatayon ug nagpuyo sa kahayag nga dili maduol, nga walay tawo nga nakakita o makakita. Kaniya ang dungog ug dayon nga paggahom. Amen.

Josue 5:13

Sa diha nga si Josue duol na sa Jerico, iyang giyahat ang iyang mga mata ug mitan-aw ug nakita niya nga may usa ka tawo nga nagtindog sa iyang atubangan nga nagdala ug usa ka espada nga gihulbot gikan sa sakoban diha sa iyang kamot ug si Josue miduol kaniya ug miingon kaniya, “Dapig ba ikaw kanamo o sa among mga kaaway?”

1 Juan 4:12

Wala pa gayoy tawo nga nakakita sa Dios; kon kita maghigugmaay sa usa ug usa, ang Dios magpabilin kanato ug ang iyang gugma nahingpit dinhi kanato.

1 Juan 4:20

Kon adunay moingon, “Ako nahigugma sa Dios,” apan nagdumot sa iyang igsoon, bakakon siya. Kay siya nga wala mahigugma sa iyang igsoon nga iyang nakita, dili gayod makahimo sa paghigugma sa Dios nga wala niya makita.

1 Juan 4:9

Ang gugma sa Dios gipadayag dinhi kanato pinaagi niini, nga gipadala sa Dios ang iyang bugtong Anak nganhi sa kalibotan aron kita mabuhi pinaagi kaniya.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.