Juan 1:17

Ang Biblia 2011

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Cross References

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Salmo 85:10

Ang gugmang walay paglubad ug pagkamaunongon magtagbo; ang pagkamatarong ug ang pakigdait maghalok sa usa ug usa.

Salmo 98:3

Siya nahinumdom sa iyang gugmang walay paglubad ug sa iyang pagkamatinumanon ngadto sa panimalay ni Israel. Ang tanang mga kinatumyan sa yuta nakakita sa kadaogan sa atong Dios.

Miqueas 7:20

Ikaw magpakita ug pagkamatinud-anon ngadto kang Jacob ug gugmang walay paglubad ngadto kang Abraham, sumala sa imong gipanumpa sa among katigulangan gikan pa sa karaang mga adlaw.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 18:37

Ug si Pilato miingon kaniya, “Busa ikaw hari diay?” Si Jesus mitubag kaniya, “Ikaw nagsulti nga ako hari. Ug alang niini ako natawo, ug alang niini ako mianhi sa kalibotan aron sa pagpadayag sa kamatuoran. Ang tanan nga iya sa kamatuoran namati sa akong tingog.”

Juan 5:45

Ayaw kamo paghunahuna nga ako magsudya kaninyo atubangan sa Amahan. Ang magsudya kaninyo mao si Moises, siya nga maoy inyong gilaoman.

Juan 7:19

Dili ba si Moises mao man ang naghatag kaninyo sa Balaod? Apan wala kaninyoy nagtuman sa Balaod. Nganong nagtinguha man kamo sa pagpatay kanako?”

Juan 8:32

ug mahibaloan ninyo ang kamatuoran, ug ang kamatuoran maghimo kaninyo nga gawasnon.”

Juan 9:29

Kami nasayod nga ang Dios nakigsulti kang Moises, apan bahin niining tawhana, wala kami mahibalo kon diin kini siya gikan.”

Mga Buhat 28:23

Sa dihang nakatakda na sila ug adlaw alang kaniya, daghan sila nga nangadto kaniya sa iyang gipuy-an. Ug sukad sa buntag hangtod sa gabii, iyang gipasabot ang mga butang ngadto kanila nga nagpamatuod sa gingharian sa Dios ug naningkamot nga motuo sila mahitungod kang Jesus pinasikad sa Balaod ni Moises ug sa mga propeta.

Mga Buhat 7:38

Mao kini siya ang didto sa pundok sa kamingawan uban sa anghel nga misulti kaniya didto sa Bukid sa Sinai ug uban sa atong mga katigulangan, ug siya nakadawat sa buhing mga pulong aron ihatag kanato.

Roma 6:14

Kay ang sala dili maggahom diha kaninyo, tungod kay dili man kamo ilalom sa Balaod kondili ilalom sa grasya.

2 Mga Taga-Corinto 1:20

Kay ang tanang mga saad sa Dios “Oo” diha kaniya. Mao kanay hinungdan ngano nga kita naglitok sa “Amen” pinaagi kaniya alang sa himaya sa Dios.

Mga Taga-Galacia 3:17

Apan ako magsulti niini: ang Balaod nga ulahing miabot human sa 430 ka tuig, dili makasalikway sa kasabotan nga giuyonan nang daan sa Dios, aron nga mapapas ang saad.

Deuteronomio 33:4

sa diha nga si Moises nagsugo kanato ug usa ka balaod, ingon nga usa ka panulundon alang sa katilingban ni Jacob.

Deuteronomio 4:44

Kini mao ang balaod nga gihatag ni Moises sa atubangan sa mga anak ni Israel.

Deuteronomio 5:1

Ug gipatawag ni Moises ang tibuok Israel ug giingnan sila, “Pamati O Israel, sa mga lagda ug sa mga tulumanon nga akong isulti sa inyong pangdungog niining adlawa ug tun-i ninyo kini ug matngoni ang pagbuhat niini.

Mga Hebreo 9:22

Sa pagkatinuod, ubos sa Balaod hapit ang tanang butang hinloan ug dugo, ug kon walay pag-ula ug dugo walay mahimong pagpasaylo sa mga sala.