Juan 1:16

Ang Biblia 2011

Ug gikan sa iyang pagkapuno nakadawat kaming tanan ug grasya ngadto sa grasya.

Cross References

Salmo 84:7

Nanglakaw sila gikan sa kalig-on ngadto sa kalig-on, ang Dios sa mga dios makita sa Zion.

Zacarias 4:7

Kinsa ba ikaw, O dako nga bukid? Sa atubangan ni Zerubabel ikaw mahimong patag, ug iyang pagulaon ang pangulong bato uban ang mga pagsinggit, ‘Grasya, grasya ngadto niini!’ ”

Mateo 13:12

Kay siya nga adunay iya, hatagan pa gayod ug magmadagayaon siya, apan siya nga walay iya, bisan ang anaa kaniya kuhaon pa gayod.

Mateo 3:11

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Mateo 3:14

Si Juan misanta unta kaniya nga nag-ingon, “Ako ang kinahanglan nimong bautismohan apan ikaw na hinuon ang mianhi kanako?”

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

Roma 5:17

Kon tungod sa paglapas sa usa ka tawo naghari ang kamatayon tungod sa maong tawo, labaw pang maghari diha sa kinabuhi kadtong makadawat sa madagayaong grasya ug sa gasa sa katarong pinaagi kang Jesu-Cristo.

Roma 5:2

Pinaagi kaniya nakabaton kita ug kaagian pinaagi sa pagtuo paingon niining maong grasya nga atong gibarogan ug kita nagmalipayon sa atong paglaom sa pag-ambit sa himaya sa Dios.

Roma 5:20

Ang balaod miabot aron pagpadaghan sa kalapasan apan diin gani midaghan ang sala, ang grasya milabi pa hinuon pagdagaya,

Roma 8:9

Apan kamo wala na diha sa unod kondili anaa sa Espiritu, kon tinuod man nga ang Espiritu sa Dios nagpuyo diha kaninyo. Ang wala magbaton sa Espiritu ni Cristo dili iyaha.

Mga Taga-Efeso 1:23

nga mao ang iyang lawas ang kahingpitan niya nga mao ang naghingpit sa tanan diha sa tanan.

Mga Taga-Efeso 3:19

ug sa pagkahibalo sa gugma ni Cristo nga milabaw sa tanang kaalam aron mapuno kamo sa bug-os nga kahingpitan sa Dios.

Mga Taga-Colosas 1:19

Kay diha kaniya nahimuot sa pagpuyo ang tibuok nga kahingpitan sa Dios,

Mga Taga-Colosas 2:3

Diha kaniya natago ang tanang bahandi sa kaalam ug kahibalo.

1 Pedro 1:11

Ilang gisusi kon unsa o unsang panahona ang gipasabot sa Espiritu ni Cristo nga diha kanila sa ilang pagpropesiya sa mga pag-antos ni Cristo ug sa himaya nga mosangpot niini.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.