Josue 9:4

Ang Biblia 2011

naghimog lansis sila ug milakaw ug nangandam sa ilang mga dad-onon ug nagdalag mga daang sako ug gikarga sa ilang mga asno ug mga panit nga sudlanan sa bino, daan, dunot ug gisi

Cross References

Genesis 34:13

Ang mga anak nga lalaki ni Jacob mitubag nga malimbongon kang Sekem ug kang Hamor nga iyang amahan tungod kay gipanamastamasan niya si Dina nga ilang igsoon.

Salmo 119:83

Kay ako nahimong sama sa panit nga sudlanan sa bino nga anaa sa aso, apan wala nako kalimti ang imong mga lagda.

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mateo 9:17

Ang bag-ong bino dili usab isulod sa mga daang sudlanan nga panit kay kon mao kini, ang mga sudlanan mabuslot, ang bino mobuhagay, ug ang mga sudlanan madaot apan ang bag-ong bino anha isulod sa mga bag-ong sudlanan nga panit ug ang duha dili madaot.”

Marcos 2:22

Ug walay tawo nga magsulod ug bag-ong bino diha sa mga daang sudlanan nga panit, kay kon himoon kini, ang bino mobuslot sa mga sudlanang panit, ug ang bino mausik, ingon man ang mga sudlanang panit. Apan ang bag-ong bino kinahanglang anha gayod isulod sa bag-ong mga sudlanang panit.”

Lucas 16:8

Ug ang agalon midayeg sa iyang limbongan nga piniyalan tungod sa kaabtik sa iyang pagpanglantaw niini, kay ang mga tawo niining kalibotana labaw ka igmat nga magpahigayon uban sa ilang isigkaingon kay sa mga anak sa kahayag.

Josue 9:12

Ania ang among pan, init pa kini sa among pagdala gikan sa among mga balay ingon nga among pagkaon alang sa panaw sa adlaw nga migikan kami aron sa pag-anhi kaninyo, apan karon, tan-awa, kini uga ug giagup-op na.

Josue 9:13

Ug kining mga panit sa bino, bag-o sa among pagpuno niini, ug tan-awa, nangabuslot na kini. Ug kining mga bisti ug mga sandalyas nangadaan tungod sa taas nga panaw.”

Josue 9:3

Apan sa diha nga ang mga nagpuyo sa Gibeon nakadungog sa gibuhat ni Josue sa Jerico ug sa Ai,

Josue 9:5

uban sa mga daan ug tinapakan nga mga sandalyas nga ilang gisul-ob ug mga bisting dunot. Ug ang tanan nilang balon uga ug giagup-op na.