Josue 8:8

Ang Biblia 2011

Ug sa diha nga makuha na ninyo ang siyudad, sunoga ninyo kini, nga magtuman sa gisugo sa Ginoo. Pamatia, ako nagsugo kaninyo.”

Cross References

2 Samuel 13:28

Unya si Absalom misugo sa iyang mga sulugoon, “Timan-i ninyo sa diha nga ang kasingkasing ni Amnon magmalipayon tungod sa bino, ug sa diha nga ako moingon kaninyo, ‘Tigbasa si Amnon,’ patya siya. Ayaw kahadlok; wala ba ako magsugo kaninyo? Pagmalig-on kamo ug pagmaisogon.”

Deuteronomio 20:16

Apan sa mga siyudad niining mga katawhan nga gihatag kaninyo sa Ginoo nga inyong Dios ingon nga panulundon, walay buhion sa bisan unsa nga nagginhawa.

Josue 1:16

Ug sila mitubag kang Josue, “Ang tanan nga imong gisugo kanamo among buhaton ug bisan asa kami nimo paadtoa, kami moadto.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Josue 6:24

Ug ilang gisunog sa kalayo ang siyudad ug ang tanan nga anaa niini. Ang plata lamang ug bulawan ug ang mga sudlanan nga bronsi ug puthaw maoy ilang gibutang sa panudlanan sa balay sa Ginoo.

Josue 8:13

Busa ilang gipahiluna ang kasundalohan, ang dakong kampo didto dapit sa amihanan sa siyudad, ug kadtong nagbantay sa luyo dapit sa kasadpan sa siyudad. Ug si Josue mipabilin sa walog niadtong gabhiona.

Josue 8:2

Ug buhata ngadto sa Ai ug sa hari niini ang gibuhat nimo sa Jerico ug sa hari niini. Ang mga inilog lamang ug ang mga hayop maoy inyong kuhaon ingon nga sinakmit alang sa inyong kaugalingon. Paghimog tago nga pagsulong batok sa siyudad agi sa luyo.”

Josue 8:22

Ug ang uban nanggula sa siyudad batok kanila busa sila nabutang sa tungatunga sa Israel, ang uban dinhing dapita ug ang uban didtong dapita. Ug gipamatay sila sa Israel hangtod nga wala nay buhi o nakaikyas.

Josue 8:28

Busa gisunog ni Josue ang Ai ug gihimo kining usa ka tapok sa mga ginuba hangtod sa kahangtoran, ingon niini hangtod niining mga adlawa.

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

Josue 8:9

Busa gipaadto sila ni Josue ug nangadto sila sa dapit nga ilang tagoan ug mipabilin sila sa taliwala sa Betel ug sa Ai, dapit sa kasadpan sa Ai, apan niadtong gabhiona si Josue mipahulay uban sa katawhan.

Mga Maghuhukom 4:6

Iyang gipaadtoan ug gipatawag si Barak nga anak ni Abinoam gikan sa Kedes sa Neftali, ug miingon kaniya, “Ang Ginoo, ang Dios sa Israel, nagsugo kanimo, ‘Lakaw, tigoma ang imong katawhan didto sa bukid sa Tabor, pagdala uban kanimo ug napulo ka libo ka tawo gikan sa banay ni Neftali ug sa banay ni Zabulon.