Josue 8:4

Ang Biblia 2011

Ug gisugo niya sila, “Pamati! Paghimo kamog tago nga pagsulong batok sa siyudad agi sa luyo niini. Ayaw kamo pagpalayo sa siyudad kondili pangandam kamong tanan.

Cross References

2 Mga Hari 7:12

Ug ang hari mibangon pagkagabii, ug misulti sa iyang mga sulugoon, “Suginlan ko kamo kon unsa ang giandam sa mga Sirianhon batok kanato. Sila nahibalo nga kita gigutom, busa namahawa sila sa kampo aron sa pagtago sa ilang kaugalingon diha sa kapatagan nga naghunahuna, ‘Sa ilang paggula sa siyudad, dakpon nato sila nga buhi ug manulod kita ngadto sa siyudad.’ ”

2 Cronicas 13:13

Apan si Jeroboam nagpadala ug tigpangatang aron sa pagsulong kanila gikan sa likod busa ang iyang kasundalohan didto sa atubangan sa Juda ug ang mga tigpangatang didto sa luyo nila.

Ecclesiastes 7:19

Ang kaalam maghatag ug kusog ngadto sa tawong maalamon labaw kay sa napulo ka pangulo nga anaa sa usa ka siyudad.

Ecclesiastes 9:16

Unya miingon ako nga ang kaalam maayo pa kay sa kusog, bisan ug ang kaalam sa tawong kabos gitamay ug ang iyang mga pulong wala patalinghogi.

Mga Buhat 23:21

Apan ayaw pagpadani kanila kay kapin sa 40 sa ilang mga tawo anaa nag-atang karon kaniya, nanumpa nga sila dili mangaon o manginom hangtod nga mapatay nila siya. Ug karon andam na sila, nagpaabot sa imong pag-uyon.”

Josue 8:16

Busa ang tanang katawhan nga diha sa siyudad gitawag aron sa paggukod kanila ug samtang gigukod nila si Josue, nagkalayo sila sa siyudad.

Josue 8:3

Busa si Josue mitindog ug ang tanang tawo nga manggugubat aron moadto sa Ai. Ug nagpili si Josue ug 30,000 ka kusgan ug isog nga mga tawo ug iyang gipalakaw sila sa pagkagabii.

Mga Maghuhukom 20:29

Busa ang Israel nagbutang ug mga tawo nga mag-atang libot sa Gibea.

Mga Maghuhukom 20:33

Ug ang tanang katawhan sa Israel migawas sa ilang dapit ug nagpahiluna sa ilang kaugalingon didto sa Baal-tamar, ug ang mga tawo sa Israel nga nag-atang nanggula gikan sa ilang dapit sa kasadpang bahin sa Gibea.

Mga Maghuhukom 20:36

Busa nakita sa mga kaliwat ni Benjamin nga sila nabuntog. Ang katawhan sa Israel mihatag ug lugar sa Benjamin tungod kay sila misalig sa mga tawo nga nag-atang nga ilang gipahimutang batok sa Gibea.

Mga Maghuhukom 9:25

Ug ang mga tawo sa Sekem nagsugo ug mga tawo nga mangatang alang kaniya sa mga tumoy sa kabukiran, ug gitulis nila ang tanan nga nangagi kanila niadtong dapita ug gisugilon kini kang Abimelek.

Mga Maghuhukom 9:32

Busa karon, lakaw sa pagkagabii, ikaw ug ang katawhan nga anaa uban kanimo ug pag-atang diha sa kapatagan.

1 Samuel 15:2

Mao kini ang giingon sa Ginoo sa mga panon, ‘Ako magsilot sa gibuhat ni Amalek ngadto sa Israel tungod sa ilang pagpakigbatok kanila didto sa dalan sa ilang paggula gikan sa Ehipto.

1 Samuel 15:5

Ug si Saul miadto sa siyudad ni Amalek ug nag-atang didto sa walog.