Josue 8:31

Ang Biblia 2011

Sumala sa gisugo ni Moises nga alagad sa Ginoo, ngadto sa katawhan sa Israel, sumala sa gisulat sa basahon sa Balaod ni Moises, “usa ka halaran sa mga bato nga dili sinapsapan, nga niini walay tawo nga migamit ug mga kahimanang puthaw”, ug sa ibabaw niini naghalad sila ug mga halad nga sunogon ngadto sa Ginoo ug naghalad ug mga halad sa pakigdait.

Cross References

2 Cronicas 35:12

Ilang gilain ang mga halad nga sunogon, aron ilang iapod-apod kini sumala sa mga pundok sa mga panimalay sa mga katigulangan sa mga tawo nga dili pari, aron ihalad ngadto sa Ginoo, ingon nga kini nasulat sa basahon ni Moises. Ug mao kini ang ilang gihimo sa mga laking baka.

Josue 1:8

Ayaw ibulag kining basahon sa Balaod gikan sa imong baba, hinuon pamalandongi kini sa adlaw ug sa gabii aron magmatngon ikaw sa pagbuhat sumala sa tanan nga nasulat niini, kay sa ingon niana, himoon nimo ang imong dalan nga mauswagon ug unya makaangkon ikaw ug maayo nga kalamposan.

Exodo 24:5

Ug nagpadala siya ug mga batan-ong lalaki sa katawhan sa Israel nga naghalad ug mga halad nga sunogon ug naghalad sila ug mga halad sa pakigdait nga mga baka ngadto sa Ginoo.

Exodo 18:12

Ug si Jetro nga ugangan ni Moises mikuha ug halad nga sunogon ug mga halad alang sa Dios. Ug si Aaron miadto uban sa tanang mga kadagkoan sa Israel aron sa pagpangaon ug pan uban sa ugangan ni Moises atubangan sa Dios.

Mateo 12:26

Ug kon si Satanas magpagula kang Satanas, nabahin diay siya batok sa iyang kaugalingon, busa unsaon man sa pagtunhay sa iyang gingharian?

Nehemias 13:1

Niadtong adlawa ilang gibasa gikan sa basahon ni Moises diha sa pangdungog sa katawhan ug niini may nakit-an nga nasulat, nga walay Amonihanon o Moabihanon nga makasulod sa katilingban sa Dios

Esdras 6:18

Unya ilang gipahiluna ang mga pari sumala sa ilang mga hut-ong ug ang mga Levihanon sumala sa ilang katungdanan alang sa pag-alagad sa Dios sa Jerusalem sumala sa nasulat sa basahon ni Moises.

2 Cronicas 25:4

Apan wala niya patya ang ilang mga anak sumala sa nasulat sa Balaod diha sa basahon ni Moises, diin ang Ginoo nagsugo, “Ang mga amahan dili patyon alang sa mga anak o ang mga anak patyon alang sa mga amahan kondili ang matag tawo mamatay alang sa iyang kaugalingong sala.”

2 Mga Hari 22:8

Unya si Hilkias nga labawng pangulong pari miingon kang Safan, nga sekretaryo, “Nakit-an nako ang basahon sa Balaod didto sa balay sa Ginoo.” Ug gihatag ni Hilkias ang basahon kang Safan ug iya kining gibasa.

2 Mga Hari 14:6

Apan wala niya patya ang mga anak sa mga mamumuno sumala sa nasulat sa basahon sa Balaod ni Moises nga gisugo sa Ginoo nga nag-ingon, “Ang mga amahan dili kinahanglang patyon tungod sa mga anak o ang mga anak patyon tungod sa mga amahan, apan ang matag tawo mamatay tungod sa iyang kaugalingong sala.”

Deuteronomio 27:2

Ug sa adlaw nga motabok kamo sa Jordan padulong sa yuta nga gihatag kaninyo sa Ginoo nga inyong Dios, pagtapok kamo ug mga dagkong bato ug bulita kini ug apog.

Deuteronomio 27:8

Ug isulat ninyo sa tin-aw gayod diha sa mga bato ang tanang pulong niining Balaod.”