Josue 8:23

Ang Biblia 2011

Apan ang hari sa Ai ilang gidakop nga buhi ug gidala ngadto kang Josue.

Cross References

Josue 10:17

Ug gisugilon kini kang Josue, “Ang lima ka hari nakit-an nga nagtago didto sa langob sa Makeda.”

Josue 10:22

Unya si Josue miingon, “Ukbi ang baba sa langob ug pagulaa kadtong lima ka hari ngari kanako gikan sa langob.”

Josue 8:22

Ug ang uban nanggula sa siyudad batok kanila busa sila nabutang sa tungatunga sa Israel, ang uban dinhing dapita ug ang uban didtong dapita. Ug gipamatay sila sa Israel hangtod nga wala nay buhi o nakaikyas.

Josue 8:24

Sa diha nga ang Israel nahuman sa pagpamatay sa tanang namuyo sa Ai didto sa hawan sa kamingawan, diin didto sila gigukod nila, ug silang tanan nangapukan pinaagi sa sulab sa espada hangtod sa kataposan, ang tibuok Israel namalik ngadto sa Ai ug ilang gipatay sila pinaagi sa sulab sa espada.

Josue 8:29

Ug iyang gibitay ang hari sa Ai sa usa ka kahoy hangtod sa hapon. Sa pagkasalop sa adlaw si Josue misugo ug gikuha nila ang iyang lawas gikan sa kahoy ug gilabay sa atubangan sa ganghaan sa siyudad ug nagpatapok sa ibabaw niini ug usa ka dakong pundok sa mga bato nga nagpabilin hangtod niining mga adlawa.

Gipadayag 19:20

Ug nadakpan ang bangis nga mananap, ug uban kaniya nadakpan ang mini nga propeta nga mao ang naghimo sa mga milagro diha sa iyang atubangan, nga pinaagi niini gipahisalaag niya ang mga nakadawat sa patik sa mapintas nga mananap ug ang mga nagsimba sa iyang larawan. Kining duha gitambog nga buhi ngadto sa linaw nga kalayo nga nagdilaab sa asupri.

1 Samuel 15:8

Iyang nadakpan nga buhi si Agag nga hari sa mga Amalekanhon, ug gihurot paglaglag ang tanang katawhan pinaagi sa sulab sa espada.