Josue 8:22

Ang Biblia 2011

Ug ang uban nanggula sa siyudad batok kanila busa sila nabutang sa tungatunga sa Israel, ang uban dinhing dapita ug ang uban didtong dapita. Ug gipamatay sila sa Israel hangtod nga wala nay buhi o nakaikyas.

Cross References

Job 20:5

nga ang paghimaya sa tawong daotan mubo ra, ug ang kalipay sa walay Dios usa lamang ka gutlo?

Deuteronomio 7:2

Ug sa diha nga ang Ginoo nga inyong Dios magtugyan kanila nganha kaninyo ug inyong nalupig, kinahanglang laglagon ninyo sila sa hingpit. Ayaw kamo paghimo ug kasabotan uban kanila ug ayaw pagpakita ug kaluoy kanila.

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.

Josue 10:28

Ug nakuha ni Josue ang Makeda niadtong adlawa ug iyang gipatay pinaagi sa sulab sa iyang espada ang hari niini. Gilaglag niya sa hingpit ang tanang tawo nga didto ug walay usa nga iyang gibilin, ug gihimo niya ngadto sa hari sa Makeda ang gibuhat niya sa hari sa Jerico.

Josue 6:21

Ug ilang gihurot paglaglag ang tanan diha sa siyudad, lalaki ug babaye, batan-on ug tigulang, mga laking baka, karnero ug mga asno, pinaagi sa sulab sa espada.

Josue 8:21

Sa pagkakita ni Josue ug sa tibuok Israel nga ang mga nanago nakailog na sa siyudad ug nga ang aso sa siyudad miutbo, namalik sila ug gipamatay nila ang mga tawo sa Ai.

Josue 8:23

Apan ang hari sa Ai ilang gidakop nga buhi ug gidala ngadto kang Josue.

Josue 8:8

Ug sa diha nga makuha na ninyo ang siyudad, sunoga ninyo kini, nga magtuman sa gisugo sa Ginoo. Pamatia, ako nagsugo kaninyo.”