Josue 8:2

Ang Biblia 2011

Ug buhata ngadto sa Ai ug sa hari niini ang gibuhat nimo sa Jerico ug sa hari niini. Ang mga inilog lamang ug ang mga hayop maoy inyong kuhaon ingon nga sinakmit alang sa inyong kaugalingon. Paghimog tago nga pagsulong batok sa siyudad agi sa luyo.”

Cross References

2 Cronicas 13:13

Apan si Jeroboam nagpadala ug tigpangatang aron sa pagsulong kanila gikan sa likod busa ang iyang kasundalohan didto sa atubangan sa Juda ug ang mga tigpangatang didto sa luyo nila.

2 Cronicas 20:22

Sa diha nga nagsugod sila sa pag-awit ug sa pagdayeg, ang Ginoo nagbutang ug tigpangatang batok sa mga tawo sa Amon, sa Moab ug sa bukid sa Seir nga miabot batok sa Juda, ug nangalaglag sila.

Salmo 39:6

Sa pagkatinuod, ang matag tawo naglakaw ingon sa usa ka anino! Sa pagkatinuod, ang ilang kaguliyang kawang lamang; siya nagtigom ug wala mahibalo kon kinsa ang makaangkon niini.

Mga Panultihon 13:22

Ang usa ka maayong tawo magbilin ug usa ka panulundon alang sa mga anak sa iyang mga anak, apan ang katigayonan sa mga makasasala gitigom alang sa mga matarong.

Mga Panultihon 28:20

Ang usa ka matinumanon nga tawo magmadagayaon sa mga panalangin, apan siya nga nagdali nga madato dili mahimong dili silotan.

Jeremias 17:11

Sama sa buntog nga nagtapok sa mga piso nga wala niya lumlomi, mao usab siya nga nag-angkon ug mga bahandi apan dili pinaagi sa katarong; taliwala sa iyang mga adlaw, kini mobiya kaniya, ug sa iyang kataposan siya mahimong usa ka buangbuang.

Jeremias 51:12

Pagbutang ug bandila batok sa mga paril sa Babilonia; lig-ona ang bantayan; pagbutang ug mga tigbantay; andama ang mga pagpangatang; kay ang Ginoo naglaraw ug naghimo sa iyang gisulti mahitungod sa mga nagpuyo sa Babilonia.

Deuteronomio 2:35

Ang kahayopan lamang ang atong gikuha ingon nga inilog alang sa atong kaugalingon, uban ang mga inilog sa kalungsoran nga atong nakuha.

Deuteronomio 20:14

Apan ang mga babaye ug ang mga bata, ang kahayopan, ug ang tanan nga anaa sa siyudad, ang tanan nga mga nailog gikan kanila, kuhaa ninyo ingon nga mga sinakmit alang kaninyo ug pahimusli ninyo ang nailog gikan sa inyong mga kaaway nga gihatag kaninyo sa Ginoo nga inyong Dios.

Deuteronomio 3:2

Ug ang Ginoo miingon kanako, ‘Ayaw kahadlok kaniya kay siya ug ang tanan niyang katawhan ug ang iyang yuta gitugyan na nako nganha sa imong mga kamot. Ug buhata kaniya ang gibuhat nimo kang Sihon nga hari sa mga Amorihanon nga nagpuyo sa Hesbon.’

Josue 10:1

Sa diha nga si Adonisedek nga hari sa Jerusalem nakadungog kon giunsa ni Josue sa pagkuha sa Ai ug sa paglaglag niini sa hingpit, sa iyang gibuhat sa Ai ug sa hari niini sama sa iyang gibuhat sa Jerico ug sa hari niini, ug kon giunsa sa mga namuyo sa Gibeon sa paghimo ug pakigdait uban sa Israel ug sa pag-ipon kanila,

Josue 10:28

Ug nakuha ni Josue ang Makeda niadtong adlawa ug iyang gipatay pinaagi sa sulab sa iyang espada ang hari niini. Gilaglag niya sa hingpit ang tanang tawo nga didto ug walay usa nga iyang gibilin, ug gihimo niya ngadto sa hari sa Makeda ang gibuhat niya sa hari sa Jerico.

Josue 11:14

Ang tanang mga inilog gikan niining mga siyudara ug ang mga baka, gipanguha sa katawhan sa Israel ingon nga ilang mga sinakmit, apan ang tanang tawo ilang gitigbas pinaagi sa sulab sa espada hangtod nga ilang nalaglag sila ug walay bisan usa nga nagginhawa nga ilang gibilin.

Josue 6:21

Ug ilang gihurot paglaglag ang tanan diha sa siyudad, lalaki ug babaye, batan-on ug tigulang, mga laking baka, karnero ug mga asno, pinaagi sa sulab sa espada.

Josue 8:12

Nagdala siya ug mga lima ka libo ka tawo ug iyang gitago sa taliwala sa Betel ug sa Ai, dapit sa kasadpan sa siyudad.

Josue 8:14

Sa pagkakita sa hari sa Ai niini, siya ug ang iyang katawhan, ang katawhan sa siyudad, midali pagbangon ug misayo paggula sa gitakdang panahon padulong sa Araba aron sa pagsugat sa Israel aron sa pagpakig-away. Apan wala siya mahibalo nga adunay nanago sa luyo sa siyudad.

Josue 8:19

Ug ang nanago midali pagtindog gikan sa ilang nahimutangan ug sa iyang pag-isa sa iyang kamot, nanagan sila ug misulod sa siyudad ug giilog kini. Ug gidali nila pagsunog ang siyudad.

Josue 8:24

Sa diha nga ang Israel nahuman sa pagpamatay sa tanang namuyo sa Ai didto sa hawan sa kamingawan, diin didto sila gigukod nila, ug silang tanan nangapukan pinaagi sa sulab sa espada hangtod sa kataposan, ang tibuok Israel namalik ngadto sa Ai ug ilang gipatay sila pinaagi sa sulab sa espada.

Josue 8:3

Busa si Josue mitindog ug ang tanang tawo nga manggugubat aron moadto sa Ai. Ug nagpili si Josue ug 30,000 ka kusgan ug isog nga mga tawo ug iyang gipalakaw sila sa pagkagabii.

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

Josue 8:8

Ug sa diha nga makuha na ninyo ang siyudad, sunoga ninyo kini, nga magtuman sa gisugo sa Ginoo. Pamatia, ako nagsugo kaninyo.”

Josue 8:9

Busa gipaadto sila ni Josue ug nangadto sila sa dapit nga ilang tagoan ug mipabilin sila sa taliwala sa Betel ug sa Ai, dapit sa kasadpan sa Ai, apan niadtong gabhiona si Josue mipahulay uban sa katawhan.

Josue 9:3

Apan sa diha nga ang mga nagpuyo sa Gibeon nakadungog sa gibuhat ni Josue sa Jerico ug sa Ai,