Josue 8:18

Ang Biblia 2011

Unya ang Ginoo miingon kang Josue, “Iisa ang bangkaw nga anaa sa imong kamot padulong sa Ai kay ihatag nako kana sa imong kamot.” Ug giisa ni Josue ang bangkaw nga diha sa iyang kamot padulong sa siyudad.

Cross References

Job 15:25

Tungod kay iyang gituy-od ang iyang kamot batok sa Dios, ug naghagit ug pagsupil batok sa Labing Gamhanan,

Job 39:23

Ang baslayan nagkagalkal batok kaniya, ang bangkaw nga nagpangidlap ug ang sapang.

Exodo 14:16

Unya bakyawa ang imong sungkod ug ituy-od ang imong kamot ibabaw sa dagat ug bahina kini, aron ang katawhan sa Israel makalakaw sa uga nga yuta diha sa dagat.

Exodo 8:1

Unya ang Ginoo miingon kang Moises, “Adtoa ang Paraon ug ingna siya, ‘Mao kini ang giingon sa Ginoo: Tugoti sa paglakaw ang akong katawhan aron sila makaalagad kanako.

Exodo 8:5

Ug ang Ginoo miingon kang Moises, “Ingna si Aaron, ‘Tuy-ora ang imong kamot uban ang imong sungkod ibabaw sa mga suba, sa mga kanal ug sa mga danawan aron patunghaon ang mga baki sa ibabaw sa yuta sa Ehipto.’ ”

Ezequiel 30:25

Palig-onon nako ang mga bukton sa hari sa Babilonia apan ang mga bukton sa Paraon manghuyhoy, ug sila makaila nga ako mao ang Ginoo, sa diha nga ipabitbit nako ang akong espada sa kamot sa hari sa Babilonia, ug iya kining bakyawon batok sa yuta sa Ehipto.

Josue 8:17

Walay bisan usa ka tawo nga nahibilin sa Ai o sa Betel nga wala mogukod sa Israel. Ilang gibiyaan ang siyudad nga binuksan ug gigukod ang Israel.

Josue 8:19

Ug ang nanago midali pagtindog gikan sa ilang nahimutangan ug sa iyang pag-isa sa iyang kamot, nanagan sila ug misulod sa siyudad ug giilog kini. Ug gidali nila pagsunog ang siyudad.

Josue 8:26

Kay wala ipaubos ni Josue ang iyang kamot nga nag-isa sa bangkaw hangtod nga nahurot pagkalaglag ang tanang nagpuyo sa Ai.

Josue 8:7

Unya manindog kamo gikan sa inyong gitagoan ug iloga ninyo ang siyudad kay ang Ginoo nga inyong Dios maghatag niini nganha sa inyong kamot.

1 Samuel 17:41

Ang Filistihanon miabot ug mipaduol kang David, uban ang tawo nga nagdala sa taming nga nag-una kaniya.

1 Samuel 17:45

Unya si David miingon sa Filistihanon, “Ikaw mianhi kanako uban ang espada, bangkaw ug sapang, apan ako mianhi kanimo sa ngalan sa Ginoo sa mga panon, ang Dios sa kasundalohan sa Israel, nga imong gihagit.

1 Samuel 17:6

Siya may salipod nga bronsi sa iyang mga bitiis ug usa ka bangkaw nga bronsi nga gikabiba taliwala sa iyang mga abaga.