Josue 7:8

Ang Biblia 2011

O Ginoo, unsa may akong ikasulti, karon nga ang Israel mitalikod sa iyang kaaway!

Cross References

Esdras 9:10

“Ug karon, O among Dios, unsay among ikasulti human niini? Kay kami mibiya sa imong mga sugo,

Salmo 44:10

Gipasibog nimo kami gikan sa among kaaway, ug ang among mga kaaway manguha sa among mga butang.

Salmo 89:43

Oo, gipasumbalik nimo ang sulab sa iyang espada, ug wala nimo siya patindoga sa gubat.

Habacuc 2:1

Ako motindog aron sa pagbantay, ug mopahiluna sa akong kaugalingon ibabaw sa tore, ug molantaw aron sa pagtan-aw kon unsay iyang isulti kanako, ug kon unsa ang akong itubag mahitungod sa akong mulo.

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!

Josue 7:9

Kay ang mga Canaanhon ug ang tanang mga nagpuyo sa yuta makadungog niini ug maglibot unya kanamo ug papason ang among ngalan gikan sa yuta. Ug unsa na may imong buhaton sa imong gamhanan nga ngalan?”

1 Samuel 4:3

Sa diha nga ang mga tawo miabot na sa kampo, ang mga kadagkoan sa Israel miingon, “Nganong gipabuntog man kita sa Ginoo niining adlawa sa atubangan sa mga Filistihanon? Atong kuhaon ang sudlanan sa kasabotan sa Ginoo gikan sa Silo ug dad-on nato dinhi aron moanhi siya sa atong taliwala ug magluwas kanato gikan sa kamot sa atong mga kaaway.”