Josue 7:6

Ang Biblia 2011

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.

Cross References

Genesis 37:29

Sa pagbalik ni Ruben ngadto sa gahong, nakita niya nga si Jose wala na didto ug gigisi niya ang iyang mga bisti.

Genesis 37:34

Ug gigisi ni Jacob ang iyang mga bisti ug nagsul-ob ug bisting sako diha sa iyang hawak ug nagbangutan tungod sa iyang anak sulod sa daghang mga adlaw.

2 Samuel 1:11

Unya gikuptan ni David ang iyang mga bisti ug gipanggisi kini, ug mao usab ang gibuhat sa tanang mga tawo nga diha uban kaniya.

2 Samuel 1:12

Ug sila nagbangutan, ug nanghilak, ug nagpuasa hangtod sa pagkagabii alang kang Saul ug alang kang Jonatan nga iyang anak ug alang sa katawhan sa Ginoo ug alang sa balay sa Israel, kay sila nangamatay pinaagi sa espada.

2 Samuel 1:2

Ug sa ikatulo nga adlaw, dihay usa ka tawo nga miabot gikan sa kampo ni Saul, nga ang iyang mga bisti gisi ug may yuta sa ibabaw sa iyang ulo. Ug sa pag-abot niya didto kang David, mihapa siya sa yuta ug naghatag ug katahoran.

2 Samuel 12:16

Busa si David nagpakiluoy sa Dios alang sa bata ug si David nagpuasa ug misulod ug mihigda sa yuta sa tibuok nga gabii.

2 Samuel 13:19

Ug si Tamar nagbutang ug abo sa iyang ulo, ug gigisi niya ang bisti nga taas nga iyang gisul-ob ug iyang gibutang ang iyang kamot sa iyang ulo ug milakaw nga naghilak pag-ayo.

2 Samuel 13:31

Unya ang hari mitindog, ug gigisi ang iyang mga bisti ug mihigda sa yuta, ug ang tanan niyang mga sulugoon nga nagtindog uban kaniya migisi usab sa ilang mga bisti.

2 Mga Hari 22:11

Sa pagkadungog sa hari sa mga pulong sa basahon sa Balaod, iyang gigisi ang iyang mga bisti.

2 Cronicas 34:19

Sa diha nga ang hari nakadungog sa mga pulong sa Balaod, iyang gigisi ang iyang mga bisti.

Esdras 10:1

Samtang nag-ampo si Ezra ug naghimo ug pagsugid nga naghilak ug nagluhod sa atubangan sa balay sa Dios, usa ka dako kaayong katilingban sa mga lalaki, mga babaye ug mga kabataan ang miduol kaniya gikan sa Israel kay ang katawhan nanghilak sa hilabihan gayod.

Nehemias 9:1

Niadtong panahona sa ika-24 nga adlaw niining bulana, ang katawhan sa Israel nagkatigom sa pagpuasa ug nagbisti ug sako ug adunay yuta sa ilang ulo.

Ester 4:1

Sa nahibaloan ni Mardoqueo ang tanan nga nabuhat, gigisi niya ang iyang mga bisti ug nagsul-ob siya ug sako ug nagbutang ug mga abo ug miadto sa kinataliwad-an sa siyudad, ug mitiyabaw sa usa ka kusog ug pait nga paghilak.

Ester 4:3

Sa matag lalawigan, bisan asa miabot ang sugo sa hari ug ang iyang balaod, didtoy dakong pagsubo taliwala sa mga Judio uban ang pagpuasa, paghilak, ug pagbangutan ug daghan kanila ang mga nanghigda nga nagbisti ug sako ug nagbutang ug abo.

Job 1:20

Unya si Job mitindog, ug migisi sa iyang bisti, ug mikiskis sa iyang ulo ug mihapa sa yuta ug misimba.

Job 2:12

Sa pagkakita nila kaniya sa layo, wala sila makaila kaniya, naninggit sila ug nanghilak. Ilang gigisi ang ilang bisti ug gisabligan ug abog ang ilang mga ulo paingon sa langit.

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Mga Pagbangotan 2:10

Ang mga kadagkoan sa anak nga babaye sa Zion naglingkod nga hilom diha sa yuta; sila nagbutang ug abog sa ilang mga ulo ug nagsul-ob ug sako; ang mga ulay sa Jerusalem nagduko sa ilang mga ulo ngadto sa yuta.

Numeros 14:6

Ug si Josue nga anak ni Nun ug si Caleb nga anak ni Jefone, nga kauban niadtong mga naniid sa yuta, migisi sa ilang mga bisti

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”

Numeros 16:45

“Palayo kamo gikan sa taliwala niining katilingban aron hutdon nako sila sa usa ka pagpamilok.” Ug sila mihapa.

Mga Buhat 14:14

Apan sa pagkadungog niini sa mga apostoles nga si Bernabe ug si Pablo, gigisi nila ang ilang mga bisti ug midagan sila nga nagsinggit ngadto sa katawhan ug nag-ingon,

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!

Gipadayag 18:19

Ug ilang gibutangan ug mga abog ang ilang mga ulo samtang nanghilak ug nagminatay sila, nga nagsinggit, “Alaot, alaot, ang bantogang siyudad diin ang tanan nga may mga sakayan sa kadagatan nangadato tungod sa iyang bahandi! Sulod sa usa lamang ka takna nalaglag siya.

Mga Maghuhukom 11:35

Ug sa pagkakita ni Jefta kaniya, iyang gigisi ang iyang bisti ug siya miingon, “O akong anak! Gipasubo nimo ako ug ikaw nahimong hinungdan sa dakong kasamok alang kanako kay gibuka nako ang akong baba ngadto sa Ginoo ug dili nako mabakwi ang akong panumpa.”

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

Mga Maghuhukom 20:26

Unya ang tanang katawhan sa Israel, ang tibuok nga kasundalohan, nanungas ug nangadto sa Betel ug nanghilak. Nanglingkod sila didto sa atubangan sa Ginoo ug nagpuasa niadtong adlawa hangtod sa pagkagabii ug naghalad ug mga halad nga sunogon ug mga halad sa pakigdait sa atubangan sa Ginoo.

Mga Maghuhukom 21:2

Ug ang katawhan miadto sa Betel ug nanglingkod didto hangtod sa pagkagabii sa atubangan sa Dios ug gipatugbaw nila ang ilang mga tingog ug nanghilak sa hilabihang kapait.

1 Samuel 4:12

Dihay usa ka tawo sa Benjamin nga miikyas gikan sa panon sa kasundalohan ug miadto sa Silo sa maong adlaw, ang iyang bisti gisi ug may yuta sa ibabaw sa iyang ulo.