Josue 7:25

Ang Biblia 2011

Ug si Josue miingon, “Nganong imo man kaming gidad-an ug kasamok? Ang Ginoo nagdala ug kasamok nganha kanimo karong adlawa.” Ug ang tibuok Israel mibato kaniya. Ilang gisunog sa kalayo ang mga butang ug gibato nila sila.

Cross References

Genesis 34:30

Unya si Jacob miingon kang Simeon ug kang Levi, “Nagdala kamo ug kagubot kanako sa paghimo kanako nga tawong gidumtan sa mga nagpuyo niining yutaa, ang mga Canaanhon ug ang mga Perisihanon. Diyotay ra ang akong mga tawo ug kon sila magtingob batok kanako ug moasdang, malaglag ako, ako ug ang akong panimalay.”

Genesis 38:24

Human sa mga tulo ka bulan gipahibalo si Juda, “Si Tamar nga imong umagad nga babaye nagbaligya sa iyang dungog ug siya nagsamkon tungod niini.” Ug si Juda miingon, “Kuhaa ninyo siya ug ipasunog siya.”

1 Cronicas 2:7

Ang mga anak nga lalaki ni Carmi: si Acan, ang tighimo ug kasamok sa Israel nga milapas sa hinalad nga mga butang.

Mga Panultihon 1:19

Ingon niini ang mga pamaagi sa tanan nga hakog sa ganansiya; kini nagkuha sa kinabuhi sa mga tag-iya niini.

Mga Panultihon 15:27

Siya nga hakog sa dili matarong nga ganansiya naghimo ug kasamok sa iyang panimalay, apan siya nga nagdumot sa mga suborno mabuhi.

Levitico 20:14

Kon ang usa ka tawo mangasawa sa usa ka babaye ug sa inahan niini, kini usa ka daotang buhat, silang tulo sunogon sa kalayo aron walay pagkadaotan taliwala kaninyo.

Levitico 20:2

“Sultihi ang katawhan sa Israel: Si bisan kinsang tawhana sa katawhan sa Israel o sa mga dumuduong nga nagpuyo sa Israel nga maghatag bisan sa usa sa iyang mga anak ngadto kang Molec, kinahanglang patyon siya; batoon siya sa katawhan sa yuta.

Levitico 21:9

Ang anak nga babaye sa bisan kinsa nga pari, kon magpakaulaw sa iyang kaugalingon pinaagi sa pagbaligya sa iyang dungog, magpakaulaw sa iyang amahan; sunogon siya sa kalayo.

Levitico 24:14

“Dad-a sa gawas sa kampo kadtong nanunglo, ug kadtong tanan nga nakadungog kaniya ipabutang ang ilang mga kamot ibabaw sa iyang ulo ug unya ipabato siya sa tibuok nga katilingban.

Mga Taga-Galacia 5:12

Maayo pa unta hinuon nga kadtong nagpalibog kaninyo magkapon sa ilang kaugalingon!

Deuteronomio 13:10

Batoa siya hangtod nga mamatay tungod kay nagtinguha siya sa pagpahilayo kaninyo gikan sa Ginoo nga inyong Dios nga nagkuha kaninyo gikan sa yuta sa Ehipto, gikan sa balay sa kaulipnan.

Deuteronomio 13:11

Ug ang tibuok Israel makabati ug mahadlok ug diha kaninyo wala nay magbuhat sa bisan unsa nga daotan nga sama niini.

Deuteronomio 17:5

ang lalaki o ang babaye nga nagbuhat niining daotan nga butang dad-a ngadto sa inyong mga ganghaan ug batoa ang lalaki o ang babaye, hangtod nga mamatay.

Deuteronomio 21:21

Ug ang tanan nga mga tawo sa iyang siyudad magbato kaniya ngadto sa kamatayon. Sa ingon niini puohon ninyo ang daotan gikan sa inyong taliwala ug ang tibuok nga Israel mamati ug mahadlok.

2 Mga Taga-Tesalonica 1:6

kay matarong alang sa Dios nga ang mga nagsakit kaninyo balosan niya ug kasakit.

Mga Hebreo 12:15

Tan-awa ninyo nga walay si bisan kinsa nga mapakyas sa pagkab-ot sa grasya sa Dios, nga walay “gamot sa kapaitan” nga maghimo ug kasamok ug tungod niini, daghan ang mahugaw,

Josue 6:18

Apan kamo, likayi ninyo ang mga butang nga gigahin nga laglagon kay tingali unya ug makuha ninyo ang butang nga gigahin ug mahimo unya ninyong laglagonon ang kampo sa Israel, ug magdala ug kasamok niini.

Josue 7:15

Ug kadtong makuha nga may butang nga ginahin sunogon sa kalayo, siya ug ang tanan nga iya tungod kay siya nakalapas sa kasabotan sa Ginoo ug tungod kay naghimo siya ug makauulaw nga butang diha sa Israel.’ ”

1 Samuel 14:29

Unya si Jonatan miingon, “Ang akong amahan naghimo ug kasamok sa yuta. Tan-awa, midan-ag ang akong mga mata tungod kay nakatilaw ako ug gamay niining dugos.