Josue 7:24

Ang Biblia 2011

Unya si Josue ug ang tibuok Israel uban kaniya mikuha kang Acan nga anak ni Zera ug ang plata ug ang kupo ug ang barita nga bulawan ug ang iyang mga anak nga lalaki ug mga anak nga babaye ug ang iyang mga baka ug ang iyang mga asno ug ang iyang mga karnero ug ang iyang tolda ug ang tanan nga anaa kaniya. Ug gidala nila sila ngadto sa Walog sa Acor.

Cross References

Genesis 18:25

Malayo unta kanimo ang pagbuhat sa ingon niana nga patyon nimo ang mga matarong uban sa mga daotan, ug nga sa ingon niana ang mga matarong mahisama sa mga daotan. Malayo unta kana kanimo! Dili ba nga ang Maghuhukom sa tibuok nga yuta magbuhat man sa matarong?”

Job 20:15

Gilamoy niya ang mga bahandi, apan gisuka kini niya pag-usab; ang Dios nagpagula niini gikan sa iyang tiyan.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Mga Panultihon 15:27

Siya nga hakog sa dili matarong nga ganansiya naghimo ug kasamok sa iyang panimalay, apan siya nga nagdumot sa mga suborno mabuhi.

Ecclesiastes 5:13

Adunay usa ka hilabihan nga pagkadaotan nga akong nakita ilalom sa adlaw: ang mga bahandi nga gitipigan sa tag-iya niini alang sa iyang kadaotan,

Isaias 65:10

Ang Sharon mahimong sibsibanan sa panon sa mga karnero, ug ang walog sa Akor, usa ka dapit nga pahulayan sa panon, alang sa akong katawhan nga nangita kanako.

Oseas 2:15

Ug didto hatagan nako siya sa iyang parasan ug himoon nako ang Walog sa Acor ingon nga usa ka pultahan sa paglaom. Didto siya motubag sama niadtong mga adlaw sa iyang pagkabatan-on ug sama sa mga adlaw sa iyang paggula gikan sa yuta sa Ehipto.

Josue 15:7

Ug ang utlanan mitungas paingon sa Debir gikan sa Walog sa Acor ug nagpadayon padulong sa amihanan ug miliko paingon sa Gilgal nga anaa atbang sa tungasan sa Adumim nga anaa sa habagatang bahin sa walog. Ug ang utlanan misubay ngadto sa katubigan sa En-semes ug misangko sa En-rogel.

Josue 22:20

Wala ba makasala si Acan nga anak ni Zera sa butang nga ginahin ug ang tibuok nga katilingban sa Israel nahiagom sa kasuko sa Ginoo? Ug dili lamang kay siya ra ang namatay sa iyang sala.’ ”

Josue 6:18

Apan kamo, likayi ninyo ang mga butang nga gigahin nga laglagon kay tingali unya ug makuha ninyo ang butang nga gigahin ug mahimo unya ninyong laglagonon ang kampo sa Israel, ug magdala ug kasamok niini.

Josue 6:21

Ug ilang gihurot paglaglag ang tanan diha sa siyudad, lalaki ug babaye, batan-on ug tigulang, mga laking baka, karnero ug mga asno, pinaagi sa sulab sa espada.

Josue 7:1

Apan ang katawhan sa Israel nakasala sa butang nga ginahin, kay si Acan nga anak ni Carmi nga anak ni Zabdi nga anak ni Zera sa banay ni Juda, mikuhag mga butang nga ginahin ug ang kaligutgot sa Ginoo misilaob batok sa katawhan sa Israel.

Josue 7:23

Gikuha nila kini gikan sa tolda ug gidala kini ngadto kang Josue ug sa tanang katawhan sa Israel. Ug ila kining gibutang sa atubangan sa Ginoo.

Josue 7:26

Ug gitapokan nila ug daghang mga bato ang ibabaw niya ug nagpabilin kini hangtod niining adlawa. Unya ang Ginoo mibiya sa kabangis sa iyang kasuko. Tungod niana, hangtod niining adlawa, ang ngalan niadtong dapita gitawag ug Ang Walog sa Acor.