Josue 7:21

Ang Biblia 2011

Sa akong pagkakita, uban sa mga nangaguba, sa usa ka matahom nga kupo gikan sa Sinar ug duha ka gatos ka siklo nga plata ug usa ka barita nga bulawan nga 50 ka siklo ang gibug-aton, naibog ako niini ug akong gikuha. Ug ania, akong gilubong sa yuta sulod sa akong tolda uban sa plata nga anaa sa ilalom.”

Cross References

Genesis 10:10

Ang sinugdan sa iyang gingharian mao ang Babel ug ang Erec ug ang Acad, ang tanan anaa sa yuta sa Sinar.

Genesis 3:6

Ug sa dihang nakita sa babaye nga ang kahoy maayong kaonon ug nga kini makalipay sa mga mata ug nga ang kahoy angay nga tinguhaon aron mahimong maalamon, mikuha siya sa bunga niini ug mikaon. Ug gihatagan niya ang iyang bana nga uban kaniya ug mikaon siya.

Genesis 34:27

Ug ang mga anak nga lalaki ni Jacob miadto niadtong gipamatay ug nanguha sa mga butang didto sa lungsod tungod kay gipanamastamasan man nila ang ilang igsoon nga babaye.

Genesis 6:2

ang mga anak nga lalaki sa Dios nakakita nga ang mga anak nga babaye sa mga tawo maanyag ug nangasawa sila sumala sa ilang napili.

2 Samuel 11:2

Nahitabo nga sa usa ka hapon niana, sa dihang mibangon sa David gikan sa iyang higdaanan ug naglakawlakaw sa ibabaw sa atop sa balay sa hari, iyang nakita ang usa ka babaye nga naligo ug ang babaye maanyag kaayo.

2 Mga Hari 7:8

Ug sa pag-abot niining mga sanlahon didto sa daplin sa kampo, nanulod sila sa usa ka tolda ug nangaon ug nanginom ug nagdala gikan didto ug plata ug bulawan, ug bisti, ug nanglakaw ug gitagoan kini. Unya namalik sila ug misulod sa laing tolda ug nakadala usab ug mga butang gikan didto, ug nanglakaw ug gitagoan kini.

Job 31:1

“Ako naghimo ug pakigsaad uban sa akong mga mata; unsaon man nako pagsud-ong sa usa ka ulay?

Salmo 119:37

Ilikay ang akong mga mata gikan sa pagtan-aw sa kakawangan; hatagi ako ug kadasig diha sa imong mga dalan.

Exodo 20:17

“Ayaw kaibog sa balay sa imong isigkatawo. Ayaw kaibog sa asawa sa imong isigkatawo o sa iyang sulugoon nga lalaki o sa iyang sulugoon nga babaye o sa iyang baka o sa iyang asno o sa bisan unsang butang nga iya sa imong isigkatawo.”

Mga Panultihon 1:19

Ingon niini ang mga pamaagi sa tanan nga hakog sa ganansiya; kini nagkuha sa kinabuhi sa mga tag-iya niini.

Mga Panultihon 23:31

Ayaw pagtan-aw sa bino kon pula kini, kon magkidlapkidlap kini diha sa kupa ug tanlas nga tunlon.

Mga Panultihon 28:22

Ang tihik nga tawo nagdali nga madato, ug wala mahibalo nga ang kawalad-on moabot kaniya.

Mga Panultihon 4:23

Himoa ang imong kasingkasing nga mabinantayon kanunay; kay gikan niini nag-agas ang mga tubod sa kinabuhi.

Isaias 28:15

Tungod kay kamo nag-ingon, “Kami naghimo ug usa ka kasabotan uban sa kamatayon, ug uban sa Sheol kami may gikauyonan; sa diha nga moagi na ang naghaguros nga bunal, kini dili modangat kanamo; kay ang kabakakan gihimo namong dalangpanan, ug diha sa kabakakan kami magpasalipod sa among kaugalingon”;

Isaias 29:15

Alaot kadtong magtago sa ilang pagtambag gikan sa Ginoo, nga ang mga buhat anaa sa kangitngit, ug nag-ingon, “Kinsay nakakita kanato? Kinsay nakaila kanato?”

Habacuc 2:9

“Alaot kadtong nagpaganansiya sa daotang pamaagi alang sa iyang balay, aron magpahimutang sa iyang salag sa itaas, aron malingkawas siya gikan sa kadaot!”

Lucas 12:15

Ug siya miingon kanila, “Pagbantay kamo ug likayi ninyo ang tanang kahakog, kay ang kinabuhi sa tawo wala diha sa kadaghan sa iyang mga katigayonan.”

Lucas 12:2

Walay tinabonan nga dili ukban o tinagoan nga dili mahibaloan.

Mga Taga-Efeso 5:3

Apan ang salawayong pakighilawas ug ang tanang kahugaw o kahakog, kinahanglan nga dili gani mahisgotan diha kaninyo kay dili man kini angay sa mga balaan,

Mga Taga-Efeso 5:5

Kay nasayod kamo niini, nga ang tanang makihilawason o hugaw o hakog, nga sa ato pa, tigsimba ug mga diosdios, walay mapanunod sa gingharian ni Cristo ug sa Dios.

Deuteronomio 7:25

Sunoga sa kalayo ang kinulit nga larawan sa ilang mga diosdios. Ayaw kaibgi ang plata o ang bulawan nga anaa kanila o kuhaon ninyo kini alang sa inyong kaugalingon, aron nga dili kamo malit-ag niini kay kini dulumtanan alang sa Ginoo nga inyong Dios.

Mga Taga-Colosas 3:5

Busa patya ninyo ang unsay yutan-on diha sa sulod ninyo: salawayong pakighilawas, kahugaw, unodnong kaibog, daotang tinguha, ug ang kahakog nga maoy pagsimba ug mga diosdios.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Santiago 1:15

Unya sa diha nga ang pagpangibog masamkon na, mahimugso ang sala, ug ang sala sa dihang mahingpit na, magdala ug kamatayon.

Josue 7:20

Ug si Acan mitubag kang Josue, “Tinuod, nakasala ako batok sa Ginoo, ang Dios sa Israel ug mao kini ang akong nabuhat.

Josue 7:22

Busa si Josue nagpadala ug mga sinugo ug sila nangadto sa tolda. Ug ilang nakita nga gitagoan kini sa iyang tolda uban ang plata sa ilalom niini.

2 Pedro 2:15

Sila mitalikod sa matuod nga dalan ug nangasaag. Sila nagsunod sa pamaagi ni Balaam, ang anak ni Beor nga nahigugma sa suhol nga dili matarong,