Josue 7:2

Ang Biblia 2011

Si Josue nagpadala ug mga tawo gikan sa Jerico ngadto sa Ai nga duol sa Bet-aven, dapit sa silangan sa Betel ug miingon kanila, “Pangadto kamo ug panid-i ang yuta.” Ug ang katawhan nangadto ug naniid sa Ai.

Cross References

Genesis 12:8

Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo.

Genesis 28:19

Ug kadtong dapita ginganlan niya ug Betel apan sa sinugdan ang ngalan niadtong lungsora Luz.

1 Mga Hari 12:29

Ug iyang gibutang ang usa didto sa Betel ug ang usa iyang gibutang didto sa Dan.

Nehemias 11:31

Ang katawhan sa Benjamin nagpuyo usab sukad sa Geba hangtod sa Mikmas, sa Aija, sa Betel ug sa mga balangay niini,

Mga Panultihon 20:18

Ang mga laraw mahimo pinaagi sa pagtambag; pinaagi sa maalamong pagmando ikaw makiggubat.

Mga Panultihon 24:6

kay pinaagi sa maalamon nga paggiya ikaw makahimo sa pagpakiggubat, ug diha sa kadaghan sa magtatambag adunay kadaogan.

Isaias 10:28

Siya mibiya gikan sa Rimon, siya miabot sa Aiat; siya miagi sa Migron, didto sa Mikmas gitipigan niya ang iyang kabtangan;

Jeremias 49:3

“Pagminatay, O Hesbon, tungod kay ang Ai nagun-ob na! Hilak, O mga anak nga babaye sa Raba! Pagtapis kamo ug sako, pagbangutan, ug pagbalikbalik ug dagan diha sa mga koral! Kay si Milcom bihagon uban sa iyang mga pari ug sa iyang mga pangulo.

Oseas 4:15

Bisan ug ikaw nagbaligya sa imong dungog, O Israel, ayaw itugot nga ang Juda magpakasala. Ayaw kamo pangadto sa Gilgal o manungas kamo sa Bet-aven, ug ayaw kamo panumpa, “Ingon nga ang Ginoo buhi.”

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mga Taga-Efeso 5:15

Busa, pagbantay kamo pag-ayo sa inyong pagkinabuhi, dili ingon nga mga walay kaalam kondili ingon nga mga maalamon,

Josue 12:9

ang hari sa Jerico, usa; ang hari sa Ai nga tupad sa Betel, usa;

Josue 18:12

Sa amihanang bahin, ang ilang utlanan nagsukad sa Jordan ug ang utlanan mitungas ngadto sa kasadpang bahin sa Jerico unya ngadto sa kabungtorang dapit sa kasadpan ug kini misangko sa kamingawan sa Bet-aven.

Josue 2:1

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.

Josue 7:3

Unya namalik sila ngadto kang Josue ug miingon kaniya, “Ayaw paadtoa ang tanang mga tawo kondili duha o tulo ka libo lamang ang paadtoa ug pasulonga sa Ai. Ayaw pahagoa ang tibuok katawhan didto kay diyotay ra sila.”

1 Samuel 13:5

Ang mga Filistihanon nagtapok aron sa pagpakig-away sa Israel, 30,000 ka karwahi ug unom ka libo ka tigpangabayo ug kasundalohan nga daw balas sa baybayon ang gidaghanon ug mitungas sila ug nagkampo sa Mikmas, dapit sa silangan sa Bet-aben.

1 Samuel 14:23

Busa ang Ginoo nagluwas sa Israel niadtong adlawa ug ang gubat misaylo sa Bet-aben.

1 Samuel 30:27

Kini alang kanila nga atua sa Betel, sa Ramot, sa Negeb, ug sa Jatir,