Josue 7:16

Ang Biblia 2011

Busa si Josue misayo pagbangon sa pagkabuntag ug gipaduol ang Israel sumala sa ilang banay ug ang banay ni Juda maoy nakuha.

Cross References

Genesis 22:3

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

Salmo 119:60

Midali ako ug wala maglangan sa pagtuman sa imong kasugoan.

Ecclesiastes 9:10

Bisan unsa nga makaplagan nga buhat sa imong kamot, buhata kana uban ang imong kusog; kay didto sa Sheol diin ikaw moadto walay buluhaton, o paghunahuna, o kahibalo o kaalam.

Josue 3:1

Sayo sa kabuntagon si Josue mibangon ug mibiya sila gikan sa Sitim uban ang tanang katawhan sa Israel ug nangadto sa Jordan, ug nagpabilin sila didto sa wala pa sila manabok.

Josue 7:15

Ug kadtong makuha nga may butang nga ginahin sunogon sa kalayo, siya ug ang tanan nga iya tungod kay siya nakalapas sa kasabotan sa Ginoo ug tungod kay naghimo siya ug makauulaw nga butang diha sa Israel.’ ”

Josue 7:17

Ug iyang gipaduol ang panimalay ni Juda ug ang panimalay sa mga Zerahanon maoy nakuha ug gipaduol niya ang matag tawo sa panimalay sa mga Zerahanon ug si Zabdi maoy nakuha.

Mga Maghuhukom 20:19

Unya ang katawhan sa Israel namangon pagkabuntag ug nagkampo batok sa Gibea.