Josue 7:11

Ang Biblia 2011

Ang Israel nakasala. Nakalapas sila sa akong kasabotan nga akong gisugo kanila. Ilang gikuha ang ubang butang nga ginahin. Nangawat sila ug namakak ug gitipon nila kini sa ilang kaugalingon mga butang.

Cross References

2 Mga Hari 18:12

tungod kay wala sila motuman sa tingog sa Ginoo nga ilang Dios, apan milapas hinuon sa iyang kasabotan, bisan sa tanan nga gisugo ni Moises nga sulugoon sa Ginoo, wala sila mamati o magtuman niini.

2 Mga Hari 5:24

Ug sa pag-abot niya sa bungtod, iyang gikuha kini gikan sa ilang kamot, ug gihipos kini sa sulod sa balay ug iyang gipalakaw ang mga tawo, ug sila namahawa.

Isaias 24:5

Ang yuta nahugawan pinaagi sa mga nagpuyo niini, tungod kay ilang gilapas ang mga balaod, gisupak ang mga lagda, giguba ang kasabotan nga walay kataposan.

Jeremias 31:32

dili sama sa kasabotan nga akong gibuhat uban sa ilang mga katigulangan, sa dihang giagak nako sila sa pagpagula kanila gikan sa yuta sa Ehipto, ang akong kasabotan nga ilang gilapas, bisan ug ako mao ang ilang bana, nag-ingon ang Ginoo.

Oseas 6:7

Apan didto sa Adam gilapas nila ang kasabotan, didto nagmaluibon sila kanako.

Levitico 5:15

“Kon adunay tawo nga makalapas ug makasala nga wala tuyoa sa mga butang nga gibalaan alang sa Ginoo, kinahanglan nga magdala siya ingon nga iyang halad sa paglapas ngadto sa Ginoo, usa ka laking karnero nga walay tatsa gikan sa panon nga gibilihan ug tinimbang nga plata sumala sa siklo sa balaang dapit. Kini usa ka halad tungod sa paglapas.

Habacuc 2:6

Dili ba kining tanan motamay ug mobiaybiay kaniya, ug moingon, “Alaot siya nga nagtapok niadtong dili iya— hangtod kanus-a?— ug magkarga sa iyang kaugalingon sa mga garantiya!”

Zacarias 5:4

Pagulaon nako kini, nag-ingon ang Ginoo sa mga panon, ug kini mosulod sa balay sa kawatan, ug sa sulod sa balay niadtong nanumpa ug bakak pinaagi sa akong ngalan, ug magpabilin kini taliwala sa iyang balay ug maglamoy niini uban sa mga kahoy ug mga bato nga anaa niini.”

Mateo 22:21

Sila miingon, “Kang Cesar.” Ug siya miingon kanila, “Busa, ihatag ninyo kang Cesar ang mga butang nga iya ni Cesar ug sa Dios ang mga butang nga iya sa Dios.”

Mga Buhat 5:9

Apan si Pedro miingon kaniya, “Naunsa ba nga nagkasabot man kamo sa pagtintal sa Espiritu sa Ginoo? Tan-awa, anaa na sa pultahan ang mga tiil sa mga naglubong sa imong bana ug ikaw yayongan nila paingon sa gawas.”

Deuteronomio 17:2

“Kon adunay makit-an diha kaninyo, sa sulod sa bisan diin sa inyong mga lungsod nga gihatag kaninyo sa Ginoo nga inyong Dios, lalaki o babaye nga nagbuhat ug daotan diha sa panan-aw sa Ginoo nga inyong Dios, pinaagi sa paglapas sa iyang kasabotan,

Mga Hebreo 4:13

Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.

Josue 23:16

Kon kamo makalapas sa kasabotan sa Ginoo nga inyong Dios nga iyang gisugo kaninyo, ug moadto ug mag-alagad kamo sa laing mga dios ug moyukbo kamo kanila, ang kasuko sa Ginoo mosilaob batok kaninyo ug kamo mangahanaw sa kalit gikan niining maayong yuta nga iyang gihatag kaninyo.”

Josue 7:1

Apan ang katawhan sa Israel nakasala sa butang nga ginahin, kay si Acan nga anak ni Carmi nga anak ni Zabdi nga anak ni Zera sa banay ni Juda, mikuhag mga butang nga ginahin ug ang kaligutgot sa Ginoo misilaob batok sa katawhan sa Israel.

Josue 7:10

Ang Ginoo miingon kang Josue, “Tindog, ngano nga naghapa man ikaw sa ingon niana?

Mga Maghuhukom 2:20

Busa ang kasuko sa Ginoo misilaob batok sa Israel ug siya miingon, “Tungod kay kining nasora nakalapas sa akong kasabotan nga akong gisugo sa ilang katigulangan ug wala mamati sa akong tingog,

1 Samuel 14:38

Ug si Saul miingon, “Paduol kamo kanako, kamong tanang mga pangulo sa katawhan ug ilha ug tan-awa kon diin gikan kining salaa niining adlawa.